شاعىن جانە ورتا بيزنەستى دامىتۋ بويىنشا قولعا الىنعان شارالار تۋرالى بۇگىن پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ باياندادى.
تيمۋر سۇلەيمەنوۆتىڭ ايتۋىنشا, جۇمىسپەن قامتۋدىڭ, ينۆەستيتسيالار تارتۋدىڭ نەگىزگى كوزى, ەكونوميكانىڭ باسەكەگە قابىلەتتىلىگىن قالىپتاستىرۋدىڭ ىرگەتاسى بولىپ تابىلاتىن ەكونوميكانىڭ اتالعان سەكتورىن دامىتۋ ۇلتتىق ەكونوميكا مينيسترلىگى جۇمىسىنىڭ نەگىزگى باسىمدىقتارى بولىپ تابىلادى.
اتالعان باعىتتاعى جۇمىس ءۇش جۇيەلىك بلوك بويىنشا جۇزەگە اسىرىلادى:
مەملەكەتتىك رەتتەۋدى جەتىلدىرۋ جانە بيزنەس احۋالدى جاقسارتۋ;
قارجىلاندىرۋعا قولجەتىمدىلىكتى ارتتىرۋ جانە قولداۋ شارالارىن جەتىلدىرۋ;
سالالىق كەدەرگىلەردى جويۋ.
«مەملەكەتتىك رەتتەۋدى جەتىلدىرۋ جانە بيزنەس احۋالدى جاقسارتۋ» باعىتى بويىنشا سايكەس زاڭ جوباسى ازىرلەندى, وندا 100 زاڭ مەن 13 كودەكسكە وزگەرىستى قامتيتىن شامامەن 1000 تۇزەتۋ بار.
زاڭ جوباسى مەملەكەتتىك باقىلاۋ مەن قاداعالاۋدى رەفورمالاۋدى, كاسىپكەرلەردىڭ اۋىرتپالىقتى ەسەپتىلىگىن ازايتۋدى, بيزنەستىڭ جاپپاي شىعىندارىن قىسقارتۋدى, باسەكەلەستىكتى دامىتۋعا كەدەرگى كەلتىرەتىن نارىق سۋبەكتىلەرىنىڭ ەرەكشە قۇقىقتارىن جويۋدى جانە «Doing business» دۇنيەجۇزىلىك بانكىنىڭ رەيتينگىسى بويىنشا قازاقستاننىڭ پوزيتسياسىن جاقسارتۋدى كوزدەيدى.
«كەلەسى ماڭىزدى باعىت كاسىپكەرلىك قىزمەتتى قارجىلاندىرۋعا قولجەتىمدىلىكتى ارتتىرۋ بولىپ تابىلادى. مۇندا قولداۋدىڭ باستى قۇرالدارى “بيزنەستىڭ جول كارتاسى 2020” بيزنەستى قولداۋ مەن دامىتۋدىڭ بىرىڭعاي باعدارلاماسى, ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى, سونداي-اق حالىقارالىق قارجى ۇيىمدارىنىڭ كرەديتتىك جەلىلەرى بولادى», — دەپ اتاپ ءوتتى تيمۋر سۇلەيمەنوۆ.
«بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسى اياسىندا 2017 جىلدىڭ قورىتىندىسى بويىنشا قولداۋ شارالارىمەن 192 مىڭنان استام كاسىپكەرلەر مەن كاسىپكەرلىك باستاماسى بار حالىق قامتىلدى, بۇل 2016 جىلمەن سالىستىرعاندا 10% ارتىق.
2017 جىلدىڭ قورىتىندىسى بويىنشا سىياقى جانە كرەديتتەرگە كەپىلدىك بەرۋ مولشەرلەمەلەرىن سۋبسيديالاۋ ارقىلى قولداۋ كورسەتىلگەن كرەديت قورجىنى 286,6 ملرد تەڭگەنى قۇرادى. بارلىعى 3351 جوباعا قولداۋ كورسەتىلدى, بۇل 2016 جىلمەن سالىستىرعاندا 10% ارتىق. 490 ملن تەڭگە سوماسىنا 276 جوباعا مەملەكەتتىك گرانت ۇسىنىلدى, 12,1 ملرد تەڭگە سوماسىنا 25 جوباعا جەتىستپەيتىن ينفراقۇرىلىم جۇرگىزىلدى, وقىتۋ باعدارلامالارىمەن جانە سەرۆيستىك قىزمەتتەرمەن 74,8 مىڭ جاڭا باستاعان جانە جۇمىس ىستەپ جاتقان كاسىپكەر قامتىلدى.
2017 جىلدىڭ قورىتىندىسى بويىنشا باعدارلاماعا قاتىسۋشىلار 3,5 ترلن تەڭگە سوماعا ءونىم ءوندىردى, 17,3 مىڭنان استام جۇمىس ورنى قۇرىلدى, 217 ملرد تەڭگە سوماعا سالىق تولەندى.
سونىمەن قاتار, «بيزنەستىڭ جول كارتاسى 2020» باعدارلاماسىنىڭ جۇمىس ىستەپ جاتقان قۇرالدارىنا جۇمىسسىز جانە ءوزىن-ءوزى جۇمىسپەن قامتىعان حالىققا باعىتتالعان ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋ باعىدارلاماسى اياسىنداعى قولداۋ شارالارى ايتارلىقتاي تولىقتىرۋ بولدى.
ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى بويىنشا 2017 جىلدىڭ قورىتىندىسى بويىنشا 10 ملرد تەڭگە جوسپار كەزىندە ەكىنشى دەڭگەيدەگى بانكتەردە 11,8 ملرد تەڭگە نەسيە ورنالاستىرىلدى, ونىڭ ىشىندە 2018 جىلعى 5 قاڭتارداعى جاعداي بويىنشا 10,1 ملرد تەڭگە سوماعا جوبالار قارجىلاندىرىلدى, ماقۇلداندى جانە قاراۋدا بولدى.
ايتا كەتكەن ءجون, جەرگىلىكتى اتقارۋشى ورگاندار بولگەن قوسىمشا قاراجاتتى ەسكەرگەندە شاعىن نەسيەلەندىرۋ قورجىنى 14,2 ملرد تەڭگەنى قۇرادى, ونىڭ ىشىندە بانكتەردە 12,9 ملرد تەڭگە سومعا نەسيەلەر ورنالاستىرىلدى. بيزنەستىڭ 172 جوباسى 967 ملن تەڭگە سوماعا بانكتىك كەپىلدەرگە يە بولدى. 15 مىڭ جۇمىسسىزدار مەن ءوزىن-ءوزى جۇمىسپەن قامتىعاندار وقىتىلدى, ولاردىڭ 3300 استام ستارتاپتارى قارجىلاندىرىلدى.
سونداي-اق, مينيسترلىك ينۆەستيتسيالار جانە دامۋ, اۋىل شارۋاشىلىعى مينيسترلىكتەرىمەن, «اتامەكەن» ۇكپ-مەن بىرگە «تسيفرلىق قازاقستان» باعدارلاماسى شەڭبەرىندە مەملەكەتتىك قولداۋ شارالارى بويىنشا «بىرىڭعاي تەرەزە» قۇرۋ بويىنشا جۇمىستار جۇرگىزىلىپ جاتىر.
ۇسىنىلعان شەشىمدەردى ىسكە اسىرۋ ءۇشىن 52 قولداۋ قۇرالدارىنان تۇراتىن ءتىزىم انىقتالدى. ۇەم مالىمەتتەرىنە سايكەس, مەملەكەتتىك قولداۋ شارالارىن تولىق اۆتوماتتاندىرۋ ولاردى قولجەتىمدى ەتۋگە, وسى سالاداعى سىبايلاس جەمقورلىق قاتەرلەرىن ازايتۋعا, كاسىپكەرلىك سۋبەكتىلەرىن قامتۋدى ارتتىرۋعا مۇمكىندىك بەرەدى.
كەلەسى ماڭىزدى باعىت سالالىق كەدەرگىلەردى جويۋ بولىپ تابىلادى. وتكەن جىلدارداعى جۇمىستى ەسكەرە وتىرىپ, مينيسترلىك مۇددەلى مەملەكەتتىك ورگاندارمەن بىرگە 552 بيزنەستىڭ پروبلەمالى ماسەلەلەرىن قارادى, ولاردىڭ 497-ءسى شەشىلدى.
ستاتيستيكا كوميتەتىنىڭ مالىمەتىنشە, جۇمىس ىستەپ تۇرعان بيزنەس سانى 2017 جىلدىڭ قورىتىندىسى بويىنشا 1 145 994 بىرلىكتى قۇرادى نەمەسە 2016 جىلمەن سالىستىرعاندا 3,6% ارتىق. وعان قوسا, شوب ونىمدەرى ءوندىرىسى ەداۋىر ءوستى. 2017 جىلدىڭ 9 ايىندا ءونىم ءوندىرىسى 14,4 ترلن تەڭگە سومانى قۇرادى نەمەسە 2016 جىلمەن سالىستىرعاندا 28,5% ارتىق.
«شاعىن جانە ورتا كاسىپكەرلىكتى دامىتۋ بويىنشا جۇمىس مينيسترلىكتىڭ باستى نازارىندا جانە تۇراقتى باقىلاۋدا ەكەنىن اتاپ وتكىم كەلەدى», — دەپ تۇيىندەدى مينيستر تيمۋر سۇلەيمەنوۆ.
وتىرىستا «بايتەرەك» ۇبح باسقارما توراعاسى ا. ءارىپحانوۆتىڭ, «اتامەكەن» ۇكپ باسقارما توراعاسى ا. مىرزاحمەتوۆتىڭ باياندامالارى تىڭدالدى.