ىنتىماقتاستىق احۋالى ءسوز بولدى

پرەمەر-مينيستر كارىم ءماسىموۆ كەشە سەربيانىڭ سىرتقى ىستەر ءمينيسترى ۆۋك ەرەميچپەن كەزدەستى. اڭگىمە بارىسىندا تاراپتار  ساۋدا-ەكونوميكالىق قا­رىم-قا­تى­ناستاردى دامىتۋ, ونىڭ ىشىندە اگرو­ونەر­كا­سىپ­تىك سەكتور, فار­ماتسەۆتيكالىق سالا­دا­عى ىن­تىماقتاستىقتى دا­مىتۋ ماسە­لەلەرىن, سونداي-اق ەكى ەلدىڭ ترانزيتتىك-كولىك الەۋە­تىن پايدالانۋ ماسە­لە­سىن تالقى­لا­دى. 2011 جىلدىڭ 9 ايىندا قا­زاقستان مەن سەربيانىڭ ارا­سىن­داعى ءوزارا ساۋدا-سات­تىق كولەمى 7,7 ملن. اقش دول­لارىن قۇرادى (ونىڭ ءىشىن­دە, ەكسپورت – 3 ملن., يمپورت – 4,7 ملن.). ەكى ەل اراسىنداعى تاۋار اينالىمىنىڭ قۇرىلىمى, تاۋ­ار­لاردىڭ ۇلەس سالماعى عانا وزگەرگەنى بولماسا, ۇزاق جىلدار بويى تۇراقتى كەلەدى. سەربياعا جونەلتىلەتىن قا­زاقستاندىق ەكس­پورت­تىڭ نو­مەنكلاتۋراسىندا مي­نە­رال­دى ونىمدەر, ماشينالار, جاب­دىق­تار,  مەحانيزمدەر مەن ەلەك­­تر-تەحنيكالىق جاب­دىق­تار باسىم بولسا, سەربيادان قازاق­ستانعا جەتكىزىلەتىن يم­پورتتىڭ نەگىزىن حيميا ونەر­كاسىبىنىڭ ونىمدەرى, اعاش جانە اعاش ءونىم­دەرى, توقىما ءونىم­دەرى, قاعاز ماسساسى قۇ­رايدى. قازاقستاندا سەرب كاپي­تا­لى­نىڭ قاتىسۋىمەن 10 شاق­تى بىرلەسكەن كاسىپورىن جۇمىس ىستەيدى, ولار نەگىزىنەن كوتەرمە جانە بولشەك ساۋدا,  تۇرعىن ءۇي جانە تۇرعىن ەمەس عيماراتتار قۇرىلىسى سالاسىندا قىزمەت ەتەدى. «ەگەمەن-اقپارات».