پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ۇكىمەتى مەن بىرىككەن ۇلتتار ۇيىمى اراسىنداعى سولتۇستىك جانە ورتالىق ازيا ءۇشىن سۋبوڭىرلىك بولىمشەگە ارنالعان اكىمشىلىك جانە قارجىلىق راسىمدەرگە قاتىستى كەلىسىمدى راتيفيكاتسيالاۋ تۋرالى» زاڭ جوباسى قارالدى.
كەلىسىم الماتى قالاسىندا 2013 جىلعى قاراشادا رەسمي تۇردە اشىلعان سولتۇستىك جانە ورتالىق ازياعا ارنالعان سۋبوڭىرلىك بولىمشەنىڭ جۇمىسىن قامتاماسىز ەتۋگە جاردەمدەسەدى.
وسى كەلىسىم ترانزيتتىك ساۋدا, سۋ جانە ەنەرگەتيكا سالالارىنداعى بىرىككەن جوبالار بويىنشا قازاقستاننىڭ بىرىككەن ۇلتتار ۇيىمىمەن ازيا مەن تىنىق مۇحيتقا ارنالعان ەكونوميكالىق جانە الەۋمەتتىك كوميسسياسىمەن ىقپالداستىعىن نىعايتا تۇسەدى, سونداي-اق قازاقستان تاراپىنا بولىمشەنىڭ جۇمىسىنا جانە كەيبىر باعدارلامالاردى ىسكە اسىرۋعا بولىنەتىن ەرىكتى جارنا بويىنشا بولىمشەدەن جىل سايىن ەسەپ الۋعا مۇمكىندىك بەرەدى.
زاڭ جوباسى پالاتا قاراۋىنا جىبەرىلدى.