قالالىق تۇرعىن ءۇي-كوممۋنالدىق شارۋاشىلىعى ءبولىمىنىڭ مالىمەتىنشە, بۇل جاعداي 21-25 قاڭتار ارالىعىنداعى اپتا كۇندەرى وبلىس ورتالىعىنداعى تولستوي – يسا بايزاقوۆ, چكالوۆ-حاباروۆسكايا, لەسوزاۆود اۋماعىنداعى كوشەلەرىندەگى ۇيلەردە تىركەلگەن.
بەيسەنبى, 25 قاڭتار كۇنى دە قالاداعى 1 مامىر - تورايعىروۆ كوشەلەرىنىڭ قيىلىسىندا 1 مامىر, تورايعىروۆ جانە كرۋپسكايا كوشەلەرىندەگى 15 قاباتتى تۇرعىن ءۇيدىڭ تۇرعىندارى ۋاقىتشا سۋسىز قالعان. توزعان سۋ قۇبىرلارىنداعى اقاۋلارعا قاتتى اياز سەبەپ بولعان. سونىمەن بىرگە, وبلىس اكىمدىگىنىڭ سايتىنا كۇن سايىن تۇرعىن ۇيلەردەگى تەمپەراتۋرانىڭ تومەندەۋىنە بايلانىستى تۇرعىنداردان شاعىمدار تۇسۋدە. مىسالى, تولستوي كوشەسى, 82 ءۇي, كاتاەۆ كوشەسى 12 ءۇيدىڭ پاتەرلەرىندەگى تەمپەراتۋرا 18 گرادۋسقا ارەڭ جەتىپ تۇر. تۇرعىندار وبلىس اكىمى بولات باقاۋوۆقا پاتەرلەرىندەگى تەمپەراتۋرا 14-16 گرادۋس دەڭگەيىندە عانا تۇرعانىن, جىلىتقىشتارمەن جىلىنىپ وتىرعاندارىن جازۋدا. قازىر وڭىردە قاتتى اياز. تۇندە -35, -40 گرادۋسقا جەتۋدە. بارلىق بولىمدەر كەزەكشىلىكتە, ايازعا بايلانىستى كوممۋنالدىق سالاعا قاتىستى جۇمىستار تولىق باقىلاۋدا. اكىمدىكتەردە جەدەل تەلەفون بايلانىستارى قوسىلعان.
فاريدا بىقاي,
«ەگەمەن قازاقستان»
پاۆلودار