جۋرنالدىڭ اتاۋى – «رۋحاني جاڭعىرۋ»

جۋرنالدىڭ باس رەداكتورى باقتيار قاباسوۆ جاڭا تۋىندى تۋرالى بىلاي دەيدى: «جۋرنال قازاق ۇلتىنىڭ ءوزىنىڭ جاڭاشا تاڭداۋ جولىنا تۇسۋدەگى نەگىزگى جەتىستىكتەرى مەن جەڭىستەرىن وقىرماندارعا كەڭىنەن جاريا ەتەدى, ەڭبەگى زور, ونەگەسى مول ەل ازاماتتارىنىڭ ومىرلىك ۇستانىمدارىن شىنايى دا جاريالى تۇردە تىز­بەك­تەيدى. سوڭعى ۋاقىتتا قوعا­مى­مىزدا ايرىقشا سىلكىنىس تۋدىرعان «100 جاڭا ەسىم», «100 جاڭا وقۋلىق», «قاسيەتتى قازاقستان», «تۋعان جەر» جو­با­لارىنىڭ كەيىپكەرلەرى ءبىز­دىڭ وسى باسىلىم ارقىلى وقىر­مانعا اق تىلەك ايتادى, جي­ناعان تاجىريبەلەرىمەن بولى­سەدى. سەبەبى, ءبىز ۇستانعان باعىت – جاڭعىرۋ باعىتى, جاڭا تۇر­پاتتى جاڭعىرۋ باعىتى!». 

كوز الدىمىزدا وزگەرگەن كۇللى الەمنىڭ جاڭا تاريحي كە­زەڭى مەن ونىڭ اعىمىنا يكەم­دە­لىپ, جاڭا ءداۋىردىڭ جاعىم­دى جاقتارىن بويعا سىڭىرۋگە ۇمتىل­عان ۇرپاقتىڭ يگى قادامىنا رۋحاني قولداۋ جاساۋ باسىلىمنىڭ نەگىزگى ۇستانىمى بولماق. 

ءسۇيىنشى دانادا اۋزى دۋالى ازاماتتاردىڭ (نۇرلان ورا­زا­لين, ومىرزاق ايتباي ۇلى, اسى­لى وسمان, ورازالى ساب­دەن جا­نە باسقالارى) ۇلت تاريحىنداعى ۇلى بەلەس تۋرالى پىكىرلەرى رەت-رەتىمەن جاريالاندى. جۋرنال بەتىندەگى وليمپيادا جانە الەم چەمپيونى, قازاقستاننىڭ ەڭبەك ەرى, كاسىپكەر جاقسىلىق ۇشكەمپىروۆتىڭ سۇحباتى, جازۋشى بەكسۇلتان نۇرجەكە ۇلىنىڭ «وربۇلاق ونەگەسى» اتتى تاريحي-تاعىلىمدىق ماقالاسى, اقىن باقىت بەدەلحاننىڭ «رۋح جى­رى» جانە باسقا دا قىزىقتى ماقا­لالار مەن ادەبي تانىمدىق دۇنيە­لەر وقىرمانىن بەي-جاي قالدىرماسى انىق. 

باسىلىمىنىڭ القا مۇشە­لەرى­نىڭ قاتارىندا مەملەكەت جانە قوعام قايراتكەرى مىر­زا­تاي جولداسبەكوۆ, وليم­پيادا جانە الەم چەمپيونى, قا­زاق­ستاننىڭ ەڭبەك ەرى جاقسىلىق ۇشكەم­پىروۆ, الماتى وبلىسى­نىڭ اكىمى اماندىق باتالوۆ, قاز­ۇاۋ رەكتورى, اكادەميك تىلەك­تەس ەسپولوۆ بار. 

قازاق, ورىس, اعىلشىن تىل­دەرىندە ءارى ءتۇرلى-ءتۇستى بوياۋمەن اشەكەيلەنگەن, وقىرماندارمەن ايىنا ءبىر رەت قاۋىشاتىن «رۋ­حاني جاڭعىرۋداعى» №1 جۋرنالدىڭ مەنشىك يەسى – «Asau Media» جك. تالعار قالاسىندا «Intellservice» باس­پاحاناسىندا باسىلىپ شى­عادى. 

تالعات ءسۇيىنباي, «ەگەمەن قازاقستان»

الماتى