قازاقستان تمد ەلدەرى بويىنشا اۋە تاسىمالى كورسەتكىشىنەن ەكىنشى ورىندا تۇر. بۇل تۋرالى azernews.az حابارلادى. ينۆەستيتسيالار جانە دامۋ ءمينيسترى جەڭىس قاسىمبەكتىڭ ايتۋىنشا, قازاقستان الەمدىك اۆياتسيالىق نارىقتىڭ تولىق مۇشەسى سانالادى.
«2016 جىلى ازاماتتىق اۆياتسيانىڭ حالىقارالىق ۇيىمى قاۋىپسىزدىك شارالارىن تەكسەرىپ, قازاقستان حالىقارالىق تالاپتاردىڭ 74 پروتسەنتىنە ساي ەكەنىن ايتتى. بۇگىندە ءبىز تمد ەلدەرى ىشىندە وسى كورسەتكىش بويىنشا ەكىنشى, ۇيىمعا مۇشە مەملەكەتتەر ىشىندە 73-ورىندامىز. ءبىز 2020 جىلعا قاراي بۇل كورسەتكىشتى 80 پروتسەنتكە جەتكىزۋدى جوسپارلاپ وتىرمىز», - دەدى مينيستر. ونىڭ ايتۋىنشا, بىلتىرعى جىلدىڭ قورىنتىندىسى بويىنشا قازاقستاندا اۋە تاسىمالى 21 پروتسەنتكە ارتقان. «بۇل تاۋەلسىزدىك العان جىلدار ىشىندەگى ۇزدىك ناتيجە. وعان ەكسپو-نىڭ دا اسەرى زور. قازاقستان ارقىلى ترانزيت تە 30 پروتسەنتكە ارتتى», - دەدى ول.
جەڭىس قاسىمبەكتىڭ ايتۋىنشا, مينيسترلىك رەسپۋبليكا ارقىلى ترانزيتپەن وتەتىن جولاۋشىلاردى 2020 جىلعا دەيىن 1,6 ملن ادامعا ارتتىرۋدى كوزدەپ وتىر.
ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى 2018 جىلى قازاقستان جاڭا حالىقارالىق رەيستەر اشاتىنىن ايتتى. سونىمەن قاتار 2018 جىلى كوميتەت اۋە ترانسپورتى مەكەمەلەرىنە اۋە تاسىمالى قاۋىپسىزدىگىن ارتتىرۋ ءۇشىن 59 سەرتيفيكاتسيا, 434 ينسپەكتسيا جۇرگىزبەك. بۇل اۋە تاسىمالىنىڭ قاۋىپسىزدىگىن قامتاماس
ءبىر ايتا كەتەرلىگى, 2017 جىلى قازاقستاندا 10 جاڭا حالىقارالىق اۋە مارشرۋتى اشىلدى.