مەملەكەت باسشىسىنىڭ وكىمىمەن ەركىن ۆاليتحان ۇلى تۇقىموۆ قازاقستان رەسپۋبليكاسى قاۋىپسىزدىك كەڭەسىنىڭ تالداۋ ءبولىمىنىڭ مەڭگەرۋشىسى قىزمەتىنەن بوساتىلدى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسىنىڭ وكىمىمەن ەركىن ۆاليتحان ۇلى تۇقىموۆ قازاقستان رەسپۋبليكاسى قاۋىپسىزدىك كەڭەسىنىڭ تالداۋ ءبولىمىنىڭ مەڭگەرۋشىسى قىزمەتىنەن بوساتىلدى.
ەركىن ۆاليتحان ۇلى تۇقىموۆ 1973 جىلى 2 شىلدەدە تۋعان, ۇلتى – قازاق.
1991-1997 جىلدارى – ۆارشاۆا ۋنيۆەرسيتەتىنىڭ حالىقارالىق قاتىناستار ينستيتۋتىندا (پولشا رەسپۋبليكاسى) وقىعان. حالىقارالىق قاتىناستار ماگيسترى (ۇزدىك ديپلوم).
2015-2016 جىلدارى – گارۆارد ۋنيۆەرسيتەتىندە, دج.كەننەدي اتىنداعى مەملەكەتتىك باسقارۋ مەكتەبىندە (اقش) وقىعان. مەملەكەتتىك باسقارۋ ماگيسترى.
ساياسي عىلىمدار كانديداتى.
قر ءسىم ءىى سىنىپتاعى كەڭەسشى ديپلوماتيالىق دارەجەسىنە يە.
پولياك جانە اعىلشىن تىلدەرىن مەڭگەرگەن.
ەڭبەك جولىن 1997 جىلعى قازان ايىندا قر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ سىرتقى ساياسي زەرتتەۋلەر ءبولىمىنىڭ اعا عىلىمي قىزمەتكەرى بولىپ باستاعان.
2000 جىلعى قاراشادان 2005 جىلعى قاڭتارعا دەيىن – وسى ءبولىمنىڭ مەڭگەرۋشىسى.
2005 جىلعى قازاننان 2007 جىلعى قازانعا دەيىن – دەموكراتيانى دامىتۋدىڭ ورتالىق ازيا قورىنىڭ باس ديرەكتورى.
2007 جىلعى قاراشادان 2008 جىلعى مامىرعا دەيىن – قر پرەزيدەنتى اكىمشىلىگىنىڭ اقپاراتتىق-تالداۋ ورتالىعىنىڭ ستراتەگيالىق تالداۋ سەكتورىنىڭ مەڭگەرۋشىسى.
2008 جىلعى ماۋسىمنان 2008 جىلعى قازانعا دەيىن – قر ءسىم ورتالىق ازيا دەپارتامەنتى ديرەكتورىنىڭ ورىنباسارى, 2008 جىلعى قازاننان 2010 جىلعى قاڭتارعا دەيىن – وسى دەپارتامەنتتىڭ ديرەكتورى.
2010 جىلعى قاڭتاردا مەملەكەت باسشىسىنىڭ وكىمىمەن قازاقستان رەسپۋبليكاسى قاۋىپسىزدىك كەڭەسىنىڭ تالداۋ ءبولىمىنىڭ مەڭگەرۋشىسى بولىپ تاعايىندالدى.
«ەرەن ەڭبەگى ءۇشىن», «قازاقستان رەسپۋبليكاسىنىڭ تاۋەلسىزدىگىنە 20 جىل» مەدالدارىمەن, قر ءسىم مەرەكەلىك مەدالىمەن ماراپاتتالعان.
ۇيلەنگەن, قىزى جانە ۇلى بار.