جاڭا ءداۋىر تالابى

مەملەكەت باسشىسى اتاپ وت­كەندەي, ءبىلىم بەرۋ باعدارلاما­لارىنىڭ نەگىزگى باسىمدىعى وز­گەرىس­تەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابى­لەتىن دامىتۋ بولۋى ءتيىس. 

بۇل بۇگىن اسا ماڭىزدى ماسەلە, سەبەبى بۇكىل الەم ءتورتىنشى ونەر­كاسىپتىك رەۆوليۋتسيا داۋىرىنە قادام باسىپ كەلەدى. قازىرگى تاڭدا ءومىردىڭ بارلىق سالاسىنا جاڭا تەحنولوگيالار ەنگىزىلىپ, قول­دا­نىلۋدا. ءبىلىم بەرۋ سالاسى دا ودان قالىس قالماۋى كەرەك.

جاستاردى جاڭا تەحنو­لو­گيالىق دامۋ دەڭگەيىنە قازىر­دەن باستاپ دايىنداعان ءجون. سول ءۇشىن 2019 جىلى مەكتەپكە دەيىنگى ءبىلىم بەرۋ ىسىندە بالالاردىڭ ەرتە دامۋى ءۇشىن ءوز بەتىنشە وقۋ ماشىعى مەن الەۋ­مەتتىك داعدىسىن دامىتاتىن باعدارلامالاردىڭ بىرىڭعاي ستان­دارتتارى ەنگىزىلەتىن بولادى. 2021 جىلى ورتا ءبىلىم بەرۋ سالاسىندا جاڭارتىلعان مازمۇنعا كوشۋ اياقتالادى. پەداگوگتاردى وقىتۋ جانە ولاردىڭ بىلىكتىلىگىن ارتتىرۋ جولدارى قايتا قارالماق. ەلىمىزدىڭ ۋنيۆەرسيتەتتەرىندەگى پەداگوگيكالىق كافەدرالار مەن فاكۋلتەتتەر دامىتىلادى, ءبىلىم بەرۋدىڭ بارلىق دەڭگەيىندە ماتەماتيكا جانە جاراتىلىستانۋ عىلىمدارىن وقىتۋ ساپاسى كۇ­شەي­تىلەدى; قالا مەكتەپتەرىندە جان باسىنا قاتىستى قارجىلان­دىرۋ ەنگىزىلەتىن بولادى, حالىق­ارالىق تالاپتار مەن تسيفرلى داعدى­لاردى ەسكەرە وتىرىپ, تەحني­كا­لىق جانە كاسىپتىك ءبىلىم بەرۋ باعدار­لامالارى جاڭار­تىلاتىن بولادى.

بارلىق وڭىرلەردەگى وقۋشى­لار سارايلارىنىڭ بازاسىنداعى كومپيۋتەرلەردى, لابوراتوريا­لاردى جانە 3د-پرينتەرلەردى قوسا العاندا, بارلىق قاجەتتى ينفرا­قۇرىلىمدارى بار بالالار تەح­نوپاركتەرى مەن بيزنەس-ينكۋبا­تورلارىنىڭ جەلىسى قۇرىلىپ, تسيفرلى ءبىلىم بەرۋ رەسۋرستارىن دامىتۋ, كەڭ جولاقتى ينتەرنەتكە قوسۋ جانە مەكتەپتەردى بەينەقۇ­رىل­­عىلارمەن جابدىقتاۋ جۇمىس­تارى جالعاستىرىلاتىن بولادى.

مۇنىڭ ءبارى ۋاقىت تالابى, جا­ڭا تەح­نولوگيالار ءداۋىرىنىڭ تالابى. سوندىقتان قارقىندى دامىپ جاتقان الەمدە باسقالار­دان قا­لىپ قويماۋ ءۇشىن, جاھان­دىق وزگە­رىس­تەر مەن سىن-قاتەر­لەر­گە دا­يىن بولۋ ءۇشىن ەلبا­سى­­نىڭ جولداۋدا الدىمىزعا قوي­عان مىندەتتەرىن تولىققاندى ىسكە اسىرۋعا ءاربىرىمىز ۇلەسىمىزدى قوسايىق.

ناريمان تورەعاليەۆ, پارلامەنت سەناتىنىڭ دەپۋتاتى