كۇردەلى جوندەۋدەن وتكەن اۋرۋحانانىڭ اشىلۋىنا پارلامەنت دەپۋتاتتارى قاتىستى

اۋداندىق اۋرۋحانانى كۇردەلى جوندەۋ جۇمىسى بىلتىر شىلدە ايىندا باستالعان ەدى. ول ءۇشىن وبلىستىق بيۋدجەتتەن 480 ملن. تەڭگەگە جۋىق قارجى بولىنگەن.

- وتكەن جىلى باتىس قازاقستان وبلىسىندا 19 دەنساۋلىق ساقتاۋ نىسانىندا كۇردەلى جوندەۋ جۇمىسى جاسالدى. سونىڭ ءبىرى – تەرەكتى اۋداندىق ورتالىق اۋرۋحاناسى. بۇل ەڭ الدىمەن ەلباسىنىڭ جۇرگىزگەن ساياساتى مەن مەملەكەتتىك باعدارلامالاردى جۇزەگە اسىرۋدىڭ ناتيجەسى. وتكەن جىل ءوڭىرىمىزدىڭ تەرەكتى اۋدانى ءۇشىن جەمىستى بولدى. اۋىلدارعا گاز, سۋ باردى, جول جوندەلدى, مەكتەپتەر جوندەۋدەن ءوتتى. مۇنىڭ بارلىعى – ەلدىڭ ءال-اۋقاتىن جاقسارتۋ باعىتىندا اتقارىلعان ىستەر. جالپى دەنساۋلىق ساقتاۋ سالاسىندا اتقارىلعان ءىس كوپ.

سونىڭ ءبىرى وبلىستا سوڭعى ەكى جىل ىشىندە 80 جەدەل جاردەم قىزمەتىنىڭ كولىگى ساتىپ الىندى. قازىر ارناۋلى كولىكپەن وبلىس ورتالىعى تولىقتاي قامتاماسىز ەتىلدى, ەندى اۋدانداردى دا تولىق قامتۋدى جوسپارلاپ وتىرمىز. مامان دايارلاۋ ماسەلەسىنە دە ەرەكشە نازار اۋدارامىز. بيىل باتىسقازاقستاندىق 24 مەكتەپ تۇلەگى وزگە وڭىرلەردەگى مەديتسينالىق جوعارى وقۋ ورنىندارىندا وبلىس گرانتىمەن ءبىلىم الىپ جاتىر, ولاردىڭ وقۋ اقىسى جەرگىلىكتى بيۋدجەت ەسەبىنەن تولەنۋدە. جاس ماماندار كەيىن وڭىردەگى مەديتسيناتسالىق مەكەمەلەردە قىزمەت ەتەتىن بولادى. وتكەن جىلى عانا وبلىسقا 84 جاس مامان كەلسە, ونىڭ 42-ءسى اۋداندارعا جىبەرىلدى. سونداي-اق ەلباسىنىڭ ەكونوميكانىڭ بارلىق سالاسىن تسيفرلاندىرۋ بويىنشا بەرگەن تاپسىرمالارىن ورىنداۋ ماقساتىندا دا اۋقىمدى شارالار اتقارىلۋدا, - دەدى باتىس قازاقستان وبلىسىنىڭ اكىمى التاي كولگىنوۆ سالتاناتتى شارادا سويلەگەن سوزىندە.

بۇدان كەيىن قر پارلامەنتى ءماجىلىسىنىڭ دەپۋتاتى زاۋرەش امانجولوۆا اۋرۋحانا قىزمەتكەرلەرىمەن كەزدەسىپ, ءوزىنىڭ دارىگەرلىك تاجىريبەسىمەن ءبولىستى.

قازبەك قۇتتىمۇرات ۇلى

«ەگەمەن قازاقستان»

سۋرەتتى تۇسىرگەنن ايباتىر نۇراش