قر اقپارات جانە كوممۋنيكاتسيالار ءمينيسترى داۋرەن اباەۆ ءوزى باسقارىپ وتىرعان ۆەدومستۆونىڭ ءبىر جىلدىق جۇمىسىن قورىتىندىلادى, دەپ حابارلايدى «قازاقپارات».
ء«بىزدىڭ مينيسترلىك ءۇشىن 2017 جىل ايتارلىقتاي جەمىستى بولدى دەپ ايتۋعا بولادى. مەنىڭشە, ءبىز ءبىر جىلدىڭ ىشىندە كوپتەگەن جۇمىستاردى اتقارىپ ۇلگەردىك, الايدا ءالى دە بولسا اتقارىلار شارۋا جەتەرلىك. سوندىقتان, 2018 جىلعا اسا ىجداعاتتىلىقپەن (وپتيميزممەن) قادام باسقالى وتىرمىز. ءبىر جىلدىڭ ىشىندە نە ىستەپ ۇلگەردىك؟ ەڭ الدىمەن, البەتتە, اقپارات جانە كوممۋنيكاتسيالارعا بايلانىستى وزگەرىستەر مەن تولىقتىرۋلار ەنگىزۋ تۋرالى زاڭ جوباسىن اتاپ وتكىم كەلەدى. بۇل - 288 وزگەرىستەن تۇراتىن ۇلكەن زاڭ جوباسى. ءوزىڭىز بىلەتىندەي, وتە قىزۋ تالقىلانىپ, بۇگىنگى تاڭدا قابىلداندى. وسى زاڭ جوباسىنا قاتىستى الدا وتە ۇلكەن جۇمىستار كۇتىپ تۇر», - دەدى مينيستر «حابار» ارناسىنداعى «اشىق ديالوگ» باعدارلاماسىندا سۇحباتىندا.
مينيستر ءوز سوزىندە بۇقارالىق اقپارات قۇرالدارى وكىلدەرىنىڭ «جاڭا وزگەرىستەر باق جۇمىسىنا كەرى اسەرىن تيگىزبەي مە؟» دەگەن نارازىلىعىنان حاباردار ەكەنىن جەتكىزدى.
«مەن سەنىمدى تۇردە كەرى اسەرى تيمەيتىنىن ايتا كەتكىم كەلەدى. ءبىز بۇل زاڭدى تۇتىنۋشىلاردىڭ دا, جۋرناليستىك ورتانىڭ دا ويىمەن كەلىسە وتىرىپ ازىرلەدىك. ونىڭ قالايشا ءساتتى جۇمىس ىستەيتىنى تۋرالى سۇراققا مەن كەلەسى جىلدىڭ (2018 جىل - اۆت.) العاشقى التى ايىندا جاۋاپ بەرەمىن دەگەن ويدامىن», - دەيدى داۋرەن اباەۆ.
داۋرەن اباەۆ سونىمەن قاتار, اقپارات جانە كوممۋنيكاتسيالار مينيسترلىگىنىڭ تاعى ءبىر باعىندىرعان بەلەسى - «تسيفرلى قازاقستان» مەملەكەتتىك باعدارلاماسىنا ەرەكشە اتسالىسۋى دەپ بىلەتىنىن ايتتى.
«باعدارلاما مەملەكەت باسشىسىمەن ماقۇلدانىپ, قابىلداندى. ول قازاقستانداعى ءاربىر ازاماتقا قاتىستى شارۋا. ول ءاربىر قازاقستاندىقتىڭ ومىرىنە جانە ەكونوميكانىڭ بارلىق سالاسىنا, بارلىق ينفراقۇرىلىمعا جاعىمدى اسەرىن تيگىزەدى. حالىق بۇرىنعىدان ساپالى ينتەرنەتكە, مەملەكەت تاراپىنان كورسەتىلەتىن قىزمەتكە قول جەتكىزەدى», - دەيدى ول.
مينيستر ءوزىنىڭ پايىمىن قاراپايىم مىسالمەن شەگەلەي ءتۇستى.
ء«بىز حالىققا قىزمەت كورسەتۋ ورتالىقتارىن ەل ومىرىنە ەنگىزە باستاعان ۋاقىتتا, ياعني 15 جىل بۇرىن قانداي سىن ايتىلعانىن بىلەسىزدەر. ال وعان دەيىن ادامدار قاراپايىم جەكە كۋالىكتى الۋدىڭ ءوزى قانشالىقتى وڭاي ەمەس ەكەنىن, قانشاما كەزەك كۇتىپ تۇر كەرەكتىگىن بايقاماي ءومىر سۇرە بەردى. بىراق, حقكو-لار جۇمىسىن باستاعاننان كەيىن حالىق ولاردىڭ جۇمىسىن ءبىرشاما سىنعا العانىمەن, ءبىر اپتادان كەيىن ءوتىنىم بەرگەن قۇجاتىن الۋ جولىنا ۇيرەنە باستادى. ال قازىر حالىق ورتالىققا ەكى مارتە كەلگىسى كەلمەيدى. ياعني, ءوتىنىم ءۇشىن جانە الىپ كەتۋ ءۇشىن ەكى مارتە كەلۋگە ق ۇلىقسىز. ادامدار ۇيىندە وتىرىپ-اق قاجەتتى قاعاز-قۇجاتتارىن تولتىرىپ, جەكە مالىمەتتەرىن جولداۋ ادىسىمەن ءبىر اپتادان كەيىن «قازپوشتا» ارقىلى قۇجاتىن قولىنا العىسى كەلەدى. ءبىز وسى جولمەن كەلە جاتىرمىز. دەمەك, ءبىز قىزمەت كورسەتۋ ساپاسىن ارتتىرىپ, قازاقستاندىقتاردىڭ ۋاقىتىن ۇنەمدەپ وتىرمىز», - دەيدى داۋرەن اباەۆ.
مينيستر ۇشىنشىدەن, مينيسترلىك ەرەكشە اتسالىسقان «قازاقستاننىڭ 100 جاڭا ەسىمى» جوباسى ەكەنىن ايتىپ بەردى.
ء«بىز بۇل جۇمىسقا اتسالىسقانىمىزدى ماقتان تۇتامىز. قازاقستان ءۇشىن جاڭا ەسىمدەردى, ماقتان تۇتار ادامداردى اشىپ بەرە العانىمىزعا سەنگىمىز كەلەدى. مەنىڭ ويىمشا, بۇل جوبا ءوزىنىڭ جالعاسىن تابادى», - دەپ ءتۇيدى مينيستر.