اقىن قايرات جۇماعاليەۆكە ەسكەرتكىش تاقتا اشىلدى

قازاق ادەبيەتىندە وزىندىك ورنى بار اقىن, اۋدارماشى, بالالار ادەبيەتىنىڭ وكىلى قايرات جۇماعاليەۆ ءومىرىنىڭ سوڭعى كەزەڭىن تۋعان جەرى – باتىس قازاقستان وبلىسىندا, ورال قالاسىندا وتكىزگەن ەدى. 2009 جىلدان دۇنيەدەن وتەر 2013 جىلعا دەيىن «جايىق پرەسس» جشس-ندا ارداگەرلەر كەڭەسىنىڭ توراعاسى, باس ديرەكتوردىڭ كەڭەسشىسى بولىپ قىزمەت اتقاردى. ءوڭىر جاستارىمەن, وقۋ ورىندارى ستۋدەنتتەرىمەن, وقۋشىلارىمەن ۇنەمى كەزدەسىپ, تاعىلىمدى اڭگىمەلەرىمەن جاس ۇرپاقتى تاربيەلەۋگە ۇلەس قوستى. اقىننىڭ «جارىق دۇنيە», «كيە» اتتى سوڭعى كىتاپتارى دا وسى ورال قالاسىندا دۇنيەگە كەلدى.

بيىل قايرات جۇماعاليەۆتىڭ تۋعانىنا 80 جىل. اقىننىڭ دۇنيەدەن وتكەنىنە ءتورت جىل بولسا دا, ورال قالاسىندا جىل سايىن ونىڭ ەسىمىن ەل جادىندا جاڭعىرتار شارالار جۇيەلى ءوتىپ ءجۇر. قايرات جۇماعاليەۆ اتىنداعى اقىندار ءمۇشايراسى ءداستۇرلى بايقاۋعا اينالدى. ەندى مىنە, قالامگەردىڭ سوڭعى قىزمەت ورنىنىڭ قابىرعاسىندا «بۇل عيماراتتا اقىن قايرات جۇماعاليەۆ 2009-2013 جىلدار ارالىعىندا قىزمەت اتقاردى» دەگەن ەسكەرتكىش تاقتا ورناتىلدى. بولاشاقتا وبلىس ورتالىعى كوشەلەرىنىڭ بىرىنە اقىن ەسىمىن بەرۋ ماسەلەسى دە كوتەرىلىپ جاتىر.

بۇگىنگى شارا – ەسكەرتكىش تاقتانىڭ اشىلۋىنا قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتى بقو اۋماقتىق ينسپەكتسياسىنىڭ باسشىسى لاۆر حايرەتدينوۆ پەن «جايىق پرەسس» جشس باس ديرەكتورى جانتاس سافۋللين مۇرىندىق بولعان ەكەن. سالتاناتتى وقيعاعا ارنايى كەلگەن اقىننىڭ جارى سوفيا نىعمەتوللاقىزى تەبىرەنە ءسوز سويلەپ, قالامگەردىڭ رۋحىنا باعىشتالعان قۇرمەتكە ريزاشىلىق ءبىلدىردى.

ەسكەرتكىش تاقتانىڭ اشىلۋىنا اقىن, قازاقستان جازۋشىلار وداعى بقو بولىمشەسىنىڭ ءتورايىمى اقۇشتاپ باقتىگەرەەۆا, قازاقستان جازۋشىلار وداعىنىڭ مۇشەسى, جازۋشى سارا لاتيەۆا, ارداگەر ولكەتانۋشى جايساڭ اقباي ت.ب. قوناقتار قاتىسىپ, اقىن تۋرالى ەستەلىكتەرىمەن ءبولىستى. ستۋدەنتتەر اقىن ولەڭدەرىن جاتقا ايتىپ, انشىلەر «اناشىم» ءانىن شىرقادى. شارا سوڭىندا عيمارات قابىرعاسىندا داستارحان جايىلىپ, ارنايى پىسىرىلگەن

قازبەك قۇتتىمۇرات ۇلى

«ەگەمەن قازاقستان»

ورال

سۋرەتتى تۇسىرگەن تەمىربولات توقمامبەتوۆ