اۋا رايىنا بايلانىستى تاراز اۋەجايى جابىلدى, دەپ حابارلايدى قر يدم ازاماتتىق اۆياتسيا كوميتەتى.
ۆەدومستۆونىڭ فەيسبۋكتەگى پاراقشاسىنداعى جازبادا: «تاراز قالاسىنىڭ اۋەجايى 27 جەلتوقسان كۇنى جەرگىلىكتى ۋاقىتپەن 05:00-دە قولايسىز اۋا رايىنا بايلانىستى ۋاقىتشا جابىلدى.
قازىرگى كەزدە اۋەجايدا جەلدىڭ جىلدامدىعى سەكۋندىنا 25 مەترگە, ەكپىنى 28-30 م/س-قا دەيىن جەتەدى. سونداي-اق ۇشۋ-قونۋ جولاعىنا 5 مم مۇز قاتقان. ۇشۋ قاۋىپسىزدىگىن قامتاماسىز ەتۋ ماقساتىندا بىرقاتار ىشكى رەيستەر توقتاتىلدى نەمەسە كەيىنگە قالدىرىلدى», - دەلىنگەن. جولاۋشىلارعا اۋە كومپانيالارىنا تەلەفون سوعىپ, ءوز رەيستەرىن الدىن الا انىقتاپ الۋ جونىندە كەڭەس بەرىلدى.