پارلامەنت سەناتى قارجى جانە بيۋدجەت كوميتەتىنىڭ كەڭەيتىلگەن وتىرىسىندا «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى. بۇل تۋرالى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى حابارلادى.
زاڭ جوباسى مەملەكەتتىك اۋديت جۇيەسىن ودان ءارى رەفورمالاۋ قاجەتتىگىن ەسكەرە وتىرىپ, بىرقاتار وزگەرىستەر ەنگىزۋدى كوزدەيدى. اتاپ ايتقاندا, اۋديتكە حالىقارالىق ستاندارتتاردى ەنگىزۋ جانە ءتيىستى قىزمەت سالالارىنىڭ كادرلار قۇرامىن جاقسارتۋ ءۇشىن مەملەكەتتىك اۋديتوردىڭ «اسسيستەنتى» (كومەكشىسى) ۇعىمى ەنگىزىلەدى.
تۇزەتۋلەر بيۋدجەتتىك باعدارلامالار اكىمشىلەرى مەن مەملەكەتتىك مەكەمەلەردىڭ قارجىلىق ەسەپتىلىگىنىڭ جىل سايىنعى ءاۋديتىن تاۋەكەلدەردى باسقارۋ جۇيەسىنىڭ نەگىزىندە وتكىزۋدى; سونداي-اق ىشكى مەملەكەتتىك اۋديت جونىندەگى ۋاكىلەتتى ورگاننىڭ ىشكى مەملەكەتتىك ءاۋديتتى وتكىزۋ قاعيدالارىن بەكىتۋدى كوزدەيدى.
زاڭ جوباسى ىشكى مەملەكەتتىك اۋديت جونىندەگى ۋاكىلەتتى ورگاننىڭ جانە (نەمەسە) ولاردىڭ لاۋازىمدى ادامدارىنىڭ ارەكەتتەرىنە (ارەكەتسىزدىگىنە) شاعىم جاساۋ كەزىندە تۋىندايتىن داۋلاردى اپپەلياتسيالىق تۇردە رەتتەۋ ءتارتىبى بەكىتىلگەن.
جوباعا سايكەس ىشكى اۋديت قىزمەتتەرىنىڭ بيۋدجەتتىك پروتسەستىڭ تيىمدىلىگىنە اۋديت جۇرگىزەدى. مەملەكەتتىك اۋديتورلاردى سەرتيفيكاتتاۋ جونىندەگى ۇلتتىق كوميسسياداعى وكىلدەردىڭ ساندىق قۇرامى ايقىندالادى.
ودان باسقا, مەملەكەتتىك اۋديتورلاردىڭ ەتيكالىق ەرەجەلەر مەن كاسىبي ستاندارتتاردى ساقتاماعانى ءۇشىن جاۋاپكەرشىلىگىن كۇشەيتىلدى, ۇلتتىق كوميسسياعا مەملەكەتتىك اۋديتور سەرتيفيكاتىن كەرى قايتارىپ الۋ قۇقىعىن بەرىلەدى, مەملەكەتتىك اۋديتورلارعا جازالاۋ شاراسى رەتىندە ەسكەرتۋ جاساۋ قولدانىلادى. مەملەكەتتىك اۋديتور بولۋعا ۇمىتكەرلەر ءۇشىن جۇمىس ىستەپ جۇرگەن ءۇش مەملەكەتتىك اۋديتوردان ءمىنسىز جانە ىسكەرلىك بەدەلىن راستايتىن ۇسىنىمدار بەرۋ تۋرالى تالاپتار ەنگىزىلەدى.
زاڭ جوباسى پالاتانىڭ قاراۋىنا جىبەرىلدى.