مەملەكەت باسشىسى ن.نازارباەۆتىڭ «تاۋەلسىزدىك ءداۋىرى» اتتى تۋىندىسى سوڭعى شيرەك عاسىر ىشىندەگى ەل ءومىرىنىڭ بارلىق سالاسىن قامتىعان تولىمدى دۇنيە.
1991 جىلى ەلىمىزدە جاڭا تاۋەلسىزدىك ءداۋىرى باستالعانى بەلگىلى. تاۋەلسىزدىكتىڭ ارقاسىندا ەلىمىز كوپتەگەن ساياسي, ەكونوميكالىق جەتىستىكتەرگە قول جەتكىزدى. نارىقتىق قاتىناستاردى دامىتا وتىرىپ, قازاقستان وزىندىك ۇلتتىق ەكونوميكاسىن قالىپتاستىردى. وسىنىڭ بارلىعى ەلباسى كىتابىندا قامتىلعان.
بۇگىنگى تاڭدا قازاقستاندا بۇرىن-سوڭدى بولماعان مۇناي-حيميا, اۆتوموبيل ونەركاسىبى, تەمىر جول, ماشينا جاساۋ, ءىت-تەحنولوگيالار, عارىشتىقسپۋتنيكتىك وندىرىستەر قۇرىلىپ, جەمىستى جۇمىس اتقارىپ كەلەدى. سوڭعى 4 جىلدىڭ ىشىندە 630 يندۋستريالىق جوبا ىسكە قوسىلدى. بۇل ماڭگىلىك ەل بولۋدى مۇرات تۇتقان وتانىمىزدىڭ وسى ماقسات جولىنداعى ءىس-قيمىلىنىڭ ناتيجەسى دەپ بىلەمىز.
بۇگىنگى تاڭدا ەلباسىنىڭ باستاماسى بويىنشا ءاربىر قازاقستاندىقتىڭ ءومىر ءسۇرۋ دەڭگەيىن ارتتىرۋعا باعىتتالعان مەملەكەتتىك باعدارلامالار جۇزەگە اسىرىلۋدا. «باتىس ەۋروپا – باتىس قىتاي» حالىقارالىق كولىك ءدالىزى, ترانسكاسپي حالىقارالىق كولىك مارشرۋتى سەكىلدى بىرقاتار ستراتەگيالىق ماڭىزدى ينفراقۇرىلىمدىق جوبالار قولعا الىندى. سوڭعى ءتورت جىلدا 9000 بالاباقشا, 400-دەن استام ورتا مەكتەپ, 600-دەن استام دەنساۋلىق ساقتاۋ نىساندارى قولدانىسقا بەرىلدى. وسى اۋىز تولتىرىپ ايتارلىقتاي جەتىستىكتەردىڭ بارلىعى وڭايلىقپەن كەلگەن جوق. مۇنى پرەزيدەنتتىڭ سارابدال ساياساتى مەن دانا باسشىلىعىنىڭ بۇگىنگى ناتيجەسى دەپ ءبىلۋ كەرەك. وسى جولدا ەلىمىزدىڭ باسىنان وتكەن, ەلباسىمىزدىڭ باسشىلىعىمەن شەشىمىن تاپقان ماڭىزدى وقيعالاردىڭ بارلىعى جاڭا كىتاپقا ارقاۋ بولعان. ەل تاۋەلسىزدىگىنىڭ تاريحىن, باعىندىرعان بەلەستەرىن بىلگىسى كەلگەن ءاربىر ادام ءۇشىن جاڭا كىتاپتىڭ قىزىقتى بولارى ءسوزسىز.
ءارىپحان سادىقوۆ, ەكونوميكا عىلىمدارىنىڭ دوكتورى, پروفەسسور تۇركىستان