ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ گۋمانيتارلىق-الەۋمەتتىك فاكۋلتەتى شەتەل فيلولوگياسى كافەدراسىنىڭ ستۋدەنتتەرى اراسىندا لاتىن گرافيكاسىمەن جازۋدان بايقاۋ ءوتتى. ول تاۋەلسىزدىك كۇنىنە ارنالدى.
بايقاۋ شارتى بويىنشا ستۋدەنتتەر قازاق تىلىندەگى ءماتىندى ء بىر ساعاتتىڭ ىشىندە كيريلليتسادان لاتىن گرافيكاسىنا كوشىرىپ جازۋ كەرەك. ستۋدەنتتەر ءۇشىن تاپسىرما وڭاي بولماعان سەكىلدى. I ورىندى جەڭىپ العان 3-كۋرس ستۋدەنتى ءاليا تولەمىسوۆا گراموتا مەن فلەشكاعا يە بولدى. II ورىندى 4-كۋرس ستۋدەنتتەرى نارعىز وماروۆا مەن تالعات سارىباسوۆ, III ورىندى 3-كۋرس ستۋدەنتى زارينا قۇسنياروۆا مەن 4-كۋرس ستۋدەنتى ءانيپا نۇرماعامبەتوۆا يەلەندى. جۇلدەلى ورىن العان ستۋدەنتتەرگە ۋنيۆەرسيتەت كاسىپوداق كوميتەتىنىڭ دەمەۋشىلىگىمەن سىيلىقتار تابىس ەتىلدى.
«لاتىن گرافيكاسىنا كوشىرىپ جازۋ كەزىندە ستۋدەنتتەر ءبىراز قاتە جىبەرگەنىمەن, ىنتالارى وتە جاقسى بولدى. لاتىن گرافيكاسىن مەڭگەرۋ جاستارعا سونشالىقتى قيىندىق تۋعىزبايدى. مەكتەپتە دە, جوعارى, ورتا وقۋ ورىندارىندا دا وسىلاي بايقاۋ, جارىس وتكىزە بەرۋ كەرەك. بۇل تەك قازاق بالالارىنىڭ عانا ەمەس, وزگە ۇلت وكىلدەرىنىڭ دە قازاق تىلىنە, لاتىن گرافيكاسىنا دەگەن قىزىعۋشىلىعىن ارتتىرادى», دەيدى وسى بايقاۋدى ۇيىمداستىرعان پروفەسسور ءمانسيا سامامبەتوۆا.
ءنازيرا جارىمبەت,
«ەگەمەن قازاقستان».
قوستاناي