سپورت سارايىنا جينالعان جۇرتشىلىقتى وبلىس اكىمى قۇمار اقساقالوۆ ەڭ ۇلىق مەرەكە – تاۋەلسىزدىك مەرەكەسىمەن قۇتتىقتادى.
«تۇڭعىش پرەزيدەنت-ۇلت كوشباسشىسى نۇرسۇلتان نازارباەۆتىڭ سايقالى ساياساتى ارقاسىندا قازاقستان بۇگىندە ەكونوميكالىق جاعىنان قۋاتتى مەملەكەتكە اينالىپ وتىر. بەيبىتشىلىك, تۇراقتىلىق قاشاندا باستى ۇستانىمىمىز بولىپ قالا بەرەدى. الدىمىزدا وزىق دامىعان وتىز ەلدىڭ قاتارىنا جەتۋ سەكىلدى اسقارالى مىندەتتەر تۇر», دەدى قۇمار ىرگەباي ۇلى تۇرعىندارعا ارناپ سويلەگەن قۇتتىقتاۋىندا.
سالتاناتتى ءراسىم بارىسىندا ايماق باسشىسى پرەزيدەنتتىڭ اتىنان ء بىر توپ سولتۇستىكقازاقستاندىققا مەملەكەتتىك ناگرادالار تاپسىردى . سۋعا باتىپ بارا جاتقان بالانى قۇتقارۋ كەزىندە ءوز ءومىرىن قۇربان ەتكەن نۇريسلام جۇمابەكوۆتىڭ جانقيارلىق ەرلىگى «ەرەن ەڭبەگى ءۇشىن» مەدالىمەن اتاپ ءوتىلىپ, اكەسىنە تابىس ەتىلدى. ەستۋ قابىلەتى تومەن بالالاردى بالدىق بيگە ۇيرەتىپ, حالىقارالىق جارىستاردا توپ جارۋ مارتەبەسىنە قول جەتكىزگەن ء انسامبلدىڭ جەتەكشىسى ولگا روستوۆششيكوۆا «شاپاعات» مەدالىن كەۋدەگە جارقىراتا تاقتى.
ەسترادا جۇلدىزدارى جانار دۇعالوۆا, يتالياندىق ء انشىسى سون پاسكال تۇرعىندارعا اننەن شاشۋ شاشتى. وسى كۇنى ورتالىق الاڭداردا ء تۇرلى مادەني-سپورتتىق شارالار ءوتىپ, «ريمكازاگرو», «CitiMall», «اققايىڭ» سەكىلدى بىرنەشە الەۋمەتتىك نىساندار, ساۋدا ورىندارى پايدالانۋعا بەرىلدى.
تاۋەلسىزدىك كۇنى اۋدانداردا دا كوتەرىڭكى كوڭىل-كۇيمەن اتاپ ءوتىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.