تاۋەلسىزدىك مەرەكەسىنە وراي استانادا اقپارات سالاسىندا تاباندى ەڭبەك ەتىپ جۇرگەن كىل ۇزدىكتەر ماراپاتتالدى. مەرەكەلىك شارادا ءسوز العان اقپارات جانە كوممۋنيكاتسيالار ءمينيسترى داۋرەن اباەۆ قازاقستاندىقتاردى اتاۋلى مەرەكەمەن قۇتتىقتاي كەلە, ەل دامۋىنىڭ تۇراقتىلىعىن تىلگە تيەك ەتتى.
«نە نارسەگە قول جەتكىزسەك تە بارلىعى تاۋەلسىزدىكتىڭ ارقاسىندا كەلىپ وتىر. ەگەمەندىك بولماسا, بۇگىنگى تاعدىرىمىز باسقا ارنادا اققان بولار ەدى. ءبىز مۇنى باعالاۋ كەرەكپىز. بۇل تاراپتا ەلباسىمىزدىڭ دا الار ورنى ەرەكشە», دەگەن مينيستر بۇگىنگى شارانىڭ ماڭىزى زور ەكەندىگىنە توقتالىپ ءوتتى.
«بۇگىنگى ماراپاتتىڭ ارتىندا سىزدەردىڭ جىلدار بويعى قاجىرلى ەڭبەكتەرىڭىز جاتىر. اقپارات جانە كوممۋنيكاتسيالار مينيسترلىگىنىڭ اتىنان بارشاڭىزدى وسى ءبىر اياۋلى مەرەكەمەن شىن جۇرەكتەن قۇتتىقتايمىن. ءبىزدىڭ تاۋەلسىزدىك جىلدارىنداعى جاڭا ءداۋىرىمىز ەندى باستالدى», دەگەن داۋرەن اباەۆ جۋرناليستيكادا قاجىرلى ەڭبەك ەتىپ كەلە جاتقان ۇزدىكتەردى ورتاعا شاقىرىپ, ارنايى ماراپات كورسەتتى.
«ەگەمەن قازاقستان» رگ» اق شولۋشىسى جىلقىباي جاعىپپار ۇلىنا قۇرمەت وردەنى تابىستالسا, «قازاقستان» رترك» اق باسقارما توراعاسىنىڭ ءبىرىنشى ورىنباسارى ءلاززات ولجاباي قىزى قر قۇرمەت گراموتاسىمەن ماراپاتتالدى. ال «KAZsport» تەلەارناسىنىڭ ديرەكتورى پاۆەل تسىبۋلين ەرەن ەڭبەگى ءۇشىن مەدالىن كەۋدەسىنە تاقتى. «اقپارات سالاسىنىڭ ۇزدىگى» توسبەلگىسىمەن «Baq.kz» اقپاراتتىق اگەنتتىگىنىڭ باس رەداكتورى ەرجان ءابدىرامان, «ىلە ءوڭىرى-يلي ءتاۆاسي» گازەتىنىڭ باس رەداكتورى ءابدۋماناپ ابليزوۆ, «تالداۋ جانە اقپارات ورتالىعى» رمك ءداستۇرلى باق مونيتورينگ دەپارتامەنتى ايماقتىق باق باسقارماسىنىڭ باستىعى ءسابينا اسانبەكوۆا, «قازاقپارات» حاا جشس قازاق رەداكتسياسىنىڭ شىعارۋشى رەداكتورى گۇلميرا الياكپاروۆا, «قازاقستان» رترك» اق «پاراسات مايدانى» باعدارلاماسىنىڭ اۆتورى جانە جۇرگىزۋشى دارحان ابدىك, «ارقا اجارى» گازەتىنىڭ باس رەداكتورىنىڭ ورىنباسارى بايقال ءبايادىلوۆ, وكق تالداۋ رمم باسقارماسىنىڭ باس ساراپشىسى ماليكا بولاتقازىقىزى, «قازاقستان» رترك» اق قاراعاندى وبلىستىق فيليالىنىڭ ديرەكتورى بەرىك دۇيسەتاي, «قازاقستان» رترك» اق كوممەرتسيالىق قىزمەت جونىندەگى دەپارتامەنتى الماتى قالاسىنداعى ساتۋ ءبولىمىنىڭ باستىعى قۇزاتبەك ەسجانوۆ, Strategy2050.kz اقپارات اگەنتتىگىنىڭ باس رەداكتورى داۋلەتحان جيەنقۇلوۆ, «حابار 24» ارناسى جاڭالىقتار ءبولىمىنىڭ ءتىلشىسى امانكەلدى سەيىتحانوۆ, «بالاپان» تەلەارناسىنىڭ ديرەكتورى جانار شامەل, «قازاقستان» رترك» اق قىزىلوردا فيليالىنىڭ ديرەكتورى جاعىپپار قارابالا, «قازاقپارات» حاا جشس كونتەنت جانە جىلجىتۋ باسقارماسىنىڭ باستىعى نۇرگۇل كەنجەبەكوۆا, «ەگەمەن قازاقستان» رگ» اق ساياسات جانە قۇقىق ءبولىمىنىڭ شولۋشىسى ءاليسۇلتان قۇلانباي, «كازاحستانسكايا پراۆدا» رگ» اق ساياسات ءبولىمىنىڭ شولۋشىسى يۋليا ماگەر جانە وسى گازەتتىڭ ءوندىرىس ءبولىمىنىڭ شولۋشىسى اسەل مۇقانوۆا ماراپاتتالسا, «ەگەمەن قازاقستان» رگ» اق اعا ءتىلشىسى دينارا بىتىك جانە وزگە دە مەديا سالاسىنىڭ جۇيرىكتەرى اقپارات جانە كوممۋنيكاتسيالار مينيسترلىگىنىڭ ماقتاۋ قاعازىنا يە بولدى.
ايا ءومىرتاي,
«ەگەمەن قازاقستان»