وڭتۇستىك قازاقستان وبلىسىندا 800 باسقا ارنالعان «قازىنا جەر Ltd» جشس ءىرى تاۋارلى ءسۇت فەرماسى تولىق جوبالىق قۋاتقا شىقتى دەپ حابارلايدى Egemen.kz ءتىلشىسى.
«قازاگرو» ۇلتتىق حولدينگىنىڭ جەلىسى بويىنشا ۇلتتىق قوردىڭ ەسەبىنەن قارجىلاندىرىلعان ينۆەستيتسيالىق جوبا كانادا, ۋكراينا جانە قازاقستاننان اسىل تۇقىمدى ساۋىندى مال باسىن ساتىپ الۋ ارقىلى ەكى كەزەڭمەن ىسكە اسىرىلعان. بۇگىنگى كۇنى فەرمادا ءبىر مال باسىنىڭ ورتاشا تاۋلىكتىك ساۋىندى ءسۇتى جيىرما توعىز ليتر بولادى. سونىمەن بىرگە جوبا جەمشوپ ءوندىرىسىن دامىتۋ شەڭبەرىندە قارجىلاندىرىلعان.
«قازاگرو» حولدينگىنىڭ ينۆەستيتسيالىق قورجىنى قازىرگى ۋاقىتتا جالپى قۇنى 351,0 ملرد. تەڭگەنىڭ 545 ينۆەستيتسيالىق جوباسىن قۇرايدى. ونىڭ جالپى قۇنى 311 ملرد. تەڭگەنىڭ 511 ينۆەستيتسيالىق جوباسى پايدالانۋعا بەرىلدى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى