اتىراۋدا اۋعان سوعىسىنىڭ 38 جىلدىعىنا وراي «رۋxاني جاڭعىرۋ» باعدارلاماسى اياسىندا اۋعان سوعىسىنا قاتىسقان اتىراۋلىق ارداگەرلەر ەرلىگىن باياندايتىن كىتاپتىڭ تانىستىرىلىمى ءوتتى, دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
كىتاپتا اتىراي وبلىسىنان اۋعان سوعىسىنا قاتىسقان 546 جاۋىنگەردىڭ ءومىربايانى مەن ەستەلىكتەرى جازىلعان. باسىلىم اتىراۋ مۇناي جانە گاز ينستيتۋتىنىڭ دوتسەنتى, ۇستاز ايگۇل ەرمەكوۆانىڭ باستاماسىمەن جارىققا شىقتى.
«جەرلەس جاۋىنگەرلەرىمىز تۋرالى كىتاپ قۇراستىرۋ ويعا كەلگەننەن باستاپ ءوز قاراجاتىممەن ەلىمىزدىڭ بىرنەشە وبلىستارىن ارالاپ, اتىراۋلىق اۋعان سوعىسىنىڭ قاتىسۋشىلارىن ىزدەدىم. ىزدەۋ بارىسىندا 400-دەن اسا جاۋىنگەرلەرمەن كەزدەستىم. ولار ساقتاعان قۇپيا ەستەلىكتەر كەلەشەك ۇرپاققا جەتۋ كەرەك دەپ ويلايمىن. وسى ماقساتتا 3 جىلدىڭ ىشىندە بارلىق ارداگەرلەر مەن وبلىس اكىمىنىڭ تىكەلەي قولداۋىنىڭ ارقاسىندا كىتاپ وقىرماندارىنا جول تارتتى» ,دەيدى باسىلىم اۆتورى.
شاراعا وبلىس اكىمى نۇرلان نوعاەۆ پەن قر پارلامەنتى ءماجىلىسىنىڭ دەپۋتاتى باقىتبەك سماعۇل باستاعان ءار ءوڭىردىڭ قوعامدىق ۇيىم مۇشەلەرى, وبلىستاعى اۋدان سوعىسى ارداگەرلەرى, ستۋدەنتتەر مەن قالا تۇرعىندارى قاتىستى.
شارا سوڭىندا وبلىس ارداگەرلەرى وبلىس اكىمىنىڭ, اۋعان سوعىسىنىڭ ارداگەرلەرى ۇيىمدارىنىڭ «قازاقستان ارداگەرلەرى» قاۋىمداستىعى اتىنان العىس xاتتارمەن, باۋىرجان مومىش ۇلى اتىنداعى «باتىر شاپاعاتى» جانە حيۋاز دوسپانوۆا اتىنداعى مەدالدارىمەن ماراپاتتالدى.