"قازگيدرومەت" رمك قازاقستاننىڭ 4 وبلىسىندا اۋا رايىنا بايلانىستى ەسكەرتۋ جاريالادى.
9 جەلتوقسان كۇنى ماڭعىستاۋ وبلىسىندا قار جاۋىپ, بوران تۇرىپ, كوكتايعاق بولادى. سولتۇستىك باتىستان جەل سوعىپ, كۇشى سەكۋندىنا 15-20 مەترگە جەتەدى.
وسى كۇنى وڭتۇستىك قازاقستان وبلىسىنىڭ تاۋلارىندا قالىڭ قار ءتۇسۋى ىقتيمال. وندا تاۋلىك بويى تۇمان ءتۇسىپ, كوكتايعاق بولىپ, وڭتۇستىك باتىستان جەل سوعادى. جەلدىڭ جىلدامدىعى سەكۋندىنا 15-20 مەتر بولادى.
9-15 جەلتوقسان ارالىعىندا قىزىلوردا وبلىسىنىڭ كەي جەرلەرىنە تۇمان تۇسەدى.
9 جەلتوقسان كۇنى قوستاناي وبلىسىندا بوران بولىپ, جەل سەكۋندىنا 15-20 مەترگە دەيىن كۇشەيەدى. سونداي-اق تۇمان ءتۇسىپ, كوكتايعاق بولادى.