نۇرسۇلتان نازارباەۆتىڭ ايتۋىنشا, تسيفرلىق تەحنولوگيالاردى دامىتۋ اياسىندا عىلىمعا نەگىزگى باسىمدىق بەرىلەدى. وسى ورايدا قازاقستاننىڭ ەكى عىلىمي ورتالىعىنا ۇلكەن سەنىم ارتىلىپ وتىر.
«تسيفرلىق قازاقستاندا» عىلىمعا ۇلكەن باسىمدىق بەرىلىپ وتىر. وسى ورايدا نەگىزگى ەكى ورتالىقتى اتاپ وتكەن ءجون. ول - نازارباەۆ ۋنيۆەرسيتەتى مەن «الاتاۋ» تەحنوپاركى. مەن نازارباەۆ ۋنيۆەرسيتەتىنىڭ زەرتحانالارىن ارالاعاندا ءبىراز زەرتتەۋلەردى كوردىم, ناتيجەسى دە جوق ەمەس. ال «الاتاۋ» يننوۆاتسيالىق تەحنولوگيالار پاركى نە ىستەپ جاتىر؟ شىنىمدى ايتسام, وعان قولىم جەتپەي ءجۇر. ونى قۇرعانىمىزعا ءبىراز ۋاقىت بولدى. قىرۋار اقشانى دا جۇمسادىق. الايدا ناتيجەسى كورىنبەيدى. وزدەرى نە ىستەپ جاتىر؟ ۇكىمەتتە وتىرعاندار بىلەتىن شىعار», - دەدى نۇرسۇلتان نازارباەۆ يندۋسترياليزاتسيا كۇنىنە ارنالعان جالپىحالىقتىق كوپىر كەزىندە.
وسىدان كەيىن پرەزيدەنت ۇكىمەت پەن الماتى اكىمىنە «الاتاۋ» يننوۆاتسيالىق تەحنولوگيالار پاركىن جان-جاقتى تەكسەرۋدى تاپسىردى. «بىزگە ناقتى ءبىر شەشىمگە كەلۋ كەرەك. ونى جابامىز با, جوق الدە, ارى قاراي دامىتامىز با؟ سونى شەشىپ الۋ كەرەك», - دەپ اتاپ كورسەتتى مەملەكەت باسشىسى.