بۇگىن پرەمەر-مينيستر باقىتجان ساعىنتاەۆ ۇزدىك كاسىپورىنداردى قر پرەزيدەنتىنىڭ «التىن ساپا» سىيلىعىمەن ماراپاتتادى, دەپ حابارلايدى egemen.kz.
«التىن ساپا» سىيلىعىنىڭ «وندىرىستىك ماقساتتاعى ۇزدىك كاسىپورنى» اتالىمى بويىنشا ءىرى كاسىپكەرلىك سۋبەكتىلەرى اراسىندا اتىراۋ وبلىسىنىڭ «راۋاننالكو» جشس, ورتا كاسىپكەرلىك سۋبەكتىلەرى اراسىندا ماڭعىستاۋ وبلىسىنىڭ «كاسكور-ماشزاۆود» اق, شاعىن كاسىپكەرلىك سۋبەكتىلەرى اراسىندا سولتۇستىك قازاقستان وبلىسىنىڭ «AVAGRO» جشس لاۋرەات اتاندى.
«حالىققا ارنالعان تاۋارلار شىعاراتىن ۇزدىك كاسىپورىن» اتالىمىندا ءىرى كاسىپكەرلىك سۋبەكتىلەرى اراسىندا الماتىنىڭ «الماتى ونىمدەرى» جشس, ورتا كاسىپكەرلىك سۋبەكتىلەرى اراسىندا الماتى وبلىسىنىڭ «جاركەنت كراحمال زاۋىتى» جشس, شاعىن كاسىپكەرلىك سۋبەكتىلەرى اراسىندا وڭتۇستىك قازاقستان وبلىسىنىڭ «Planta» جشس جەڭىمپاز بولدى.
«قىزمەت كورسەتەتىن ۇزدىك كاسىپورىن» اتالىمىندا ءىرى كاسىپكەرلىك سۋبەكتىلەرى ىشىنەن استانانىڭ «مەديكەر – وندىرىستىك مەديتسينا» جشس, ورتا كاسىپكەرلىك سۋبەكتىلەرى اراسىندا قاراعاندى وبلىسىنىڭ «دەفەكتوسكوپيا» جكس, شاعىن كاسىپكەرلىك سۋبەكتىلەرى اراسىندا استانانىڭ «سكۋلباس» جشس ۇزدىكتەر قاتارىنان كورىندى.