جيىرماسىنشى عاسىردىڭ تۇلعاسى

ۆلاديمير ۆاسيلەۆيچ لەبە­دەۆ كوركەم كەسكىندەمەشى, گرافيك- سۋرەتشى, پلاكات سالۋ, كىتاپ جانە جۋرنالداردى بەزەندىرۋ ونەرىنىڭ حاس شەبەرى. لەنينگرادتىق كىتاپ گرافيكاسى مەكتەبىنىڭ نەگىزىن قالاۋشىسى, ءبىر كەزدەرى ءوزى تۋرالى بىلاي دەپ ايتقان ەكەن: «مەنىڭ شىعارماشىلىعىمدى ءتۇسىنۋ ءۇشىن مەنىڭ جيىرماسىنشى عاسىردىڭ سۋرەتشىسى ەكەندىگىمدى ەستە ساقتاۋ قاجەت…

مەنى سول زاماننىڭ رۋحاني اۋاسى قالىپتاستىرعان. مەنىڭ بارلىق يدەيالارىم مەن ويلارىم سول كەزەڭدە تامىر جايىپ جاتىر…». شىن مانىندە ۆلاديمير لەبەدەۆ ءومىر سۇرگەن وتكەن عاسىرداعى جيىرماسىنشى جىلداردىڭ اياعى جانە وتىزىنشى جىلداردىڭ باسى اسا كۇردەلى جانە قايشىلىققا تولى شاق ەدى.

سۋرەتشى ءۇشىن ەرەكشە شىعارماشىلىق بەلسەندىلىكتىڭ, ۇزدىكسىز ىزدەنىستەر مەن جا­ڭا­شىل شەشىمدەردىڭ ۋاقىتى بولدى, وسى كەزەڭدە قاي­تا­لانباس «لەبەدەۆتىك» ستيل قا­لىپ­تاسادى. مۋزەي قورىندا بۇگىندە شەبەردىڭ 157 تۋىندىسى ساقتالۋدا, ولاردىڭ 108-ءى العاش رەت كوپشىلىك نازارىنا ۇسىنىلىپتى. بۇل – سۋرەتشى زامانداستارىنىڭ كوركەم جانە گرافيكالىق پورترەت­تەرى, ادامدار مەن جانۋارلار­دىڭ سۋرەتتەرى, ناتيۋرمورتتار.

ەكسپوزيتسيادا سونداي-اق اتاقتى ورىس اقىنى سامۋيل مارشاكتىڭ سىقاق تۋىندىسى – «ميستەر تۆيستەر» پوەماسى ءۇشىن سالىنعان لەبەدەۆتىڭ الەمگە ايگىلى يلليۋستراتسيالارى دا ورىن الىپتى. بۇل كىتاپ العاشقى رەت 1933 جىلى جاريالانعان.

لەبەدەۆتىڭ كورمەگە قويىلعان بارلىق تۋىندىلارىن 1990 جىلدارى سۋرەتشىنىڭ جەسىرى ادا سەرگەەۆنا لازو-گرابەنكودان نەۆزوروۆتار وتباسى اتىنداعى كوركەمسۋرەت مۋزەيى ساتىپ العان ەكەن.

راۋشان نۇعمانبەك

سەمەي

سۋرەتتەردى تۇسىرگەن اۆتور