كەشە استانادا اقپارات جانە كوممۋنيكاتسيالار مينيسترلىگىنىڭ جانىنداعى قوعامدىق كەڭەستىڭ كەزەكتى وتىرىسى ءوتتى. اقپارات, اقپاراتتىق كوممۋنيكاتسيالىق تەحنولوگيالار مەن مەملەكەتتiك قىزمەتتەردi كورسەتۋ سالالارىن دامىتۋ ماسەلەلەرi ءسوز بولعان جيىنعا پارلامەنت ءماجىلىسىنىڭ دەپۋتاتتارى مەن اقپارات جانە كوممۋنيكاتسيالار ءمينيسترى داۋرەن اباەۆ, قوعامدىق كەڭەستىڭ مۇشەلەرى قاتىستى.
ءماجىلىس دەپۋتاتى قۋانىش سۇلتانوۆ جەتەكشىلىك ەتكەن كەڭەس وتىرىسىندا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن ەل ىشىندە كەڭىنەن ناسيحاتتاۋ جۇمىستارىنىڭ جاي-كۇيى تالقىلاندى. سونىمەن قاتار باسقوسۋدا ءسوز العان اقپارات جانە كوممۋنيكاتسيالار ءمينيسترى د.اباەۆ جاقىندا عانا ءوز مارەسىنە جەتكەن «قازاقستاننىڭ 100 جاڭا ەسىمى» جوباسى بويىنشا الداعى ۋاقىتقا جوسپارلانعان جۇمىستارىنان حاباردار ەتتى.
ء«بىز كۇنى كەشە عانا مەملەكەت باسشىسىنىڭ قاتىسۋىمەن اۋقىمدى جيىن وتكىزدىك. وندا قوعامدا قىزۋ تالقىلانىپ, قاتاڭ تارازىلاۋ ارقىلى «قازاقستاننىڭ 100 جاڭا ەسىمى» انىقتالىپ, ەلگە جاريا ەتىلدى. اتالعان جوبا اياسىندا ءبىز ارنايى جول كارتاسىن ازىرلەدىك. ناتيجەسىندە, كەلەر جىلى وسى ۇزدىك جۇزدىككە ەنگەن ادامدارعا ارنالعان 100 تەلەنوۆەللا جارىققا شىعادى دەگەن سەنىمدەمىن. مۇنداي باستاما جونىندە الداعى ۋاقىتتا تولىعىراق ايتا جاتارمىز», دەگەن مينيستر مەملەكەت باسشىسىنىڭ ايرىقشا نازار اۋدارۋىنا وراي, ءجۇز جاڭا ەسىمنىڭ قاتارىندا جوباعا قاتىسقان 2 100 ادام دا نازاردان تىس قالمايتىندىعىن اتاپ ءوتتى.
«قازاقستاننىڭ 100 جاڭا ەسىمى» جوباسىنىڭ ۇزدىكتەرىن تانىستىرۋ شاراسى كەزىندە پرەزيدەنت نۇرسۇلتان نازارباەۆ جالپى تىزىمگە قانشا ادامنىڭ تىركەلگەنىن سۇرادى. مەن 2 100 ادام ەكەنىن اتادىم. سول ساتتە ول وسى 2 100 ادامنىڭ بارلىعىن دا نازاردان تىس قالدىرماي, ەلگە ۇلگى ەتۋ قاجەتتىگىن ايتتى. سوندىقتان ءبىز بۇل ادامداردىڭ جاستار الدىندا ءسوز سويلەپ, اشىق ساباقتار مەن كەزدەسۋلەر وتكىزۋىن قۇپتاپ, جوسپار قۇرۋدامىز», دەدى د.اباەۆ.
كەڭەس وتىرىسىندا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن كەڭىنەن ناسيحاتتاۋ باعىتىندا اتقارىلىپ جاتقان شارۋالار جايىندا «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالى باياندادى. ونىڭ ايتۋىنشا, ەلباسى نۇرسۇلتان نازارباەۆتىڭ ەل گازەتى – «ەگەمەندە» جاريالانعان باعدارلامالىق ماقالاسىندا العا تارتىلعان ماقسات-مىندەتتەر مەن تالاپتاردى كەڭىنەن ءتۇسىندىرۋ باعىتىندا باس باسىلىم جۇيەلى ءارى جوسپارلى جۇمىستاردى قولعا الدى. بۇل جەردە ەڭ باستى ايتا كەتەتىن ماسەلە – مەملەكەت باسشىسىنىڭ وسى ماقالاسىنىڭ ەڭ الدىمەن «ەگەمەن قازاقستاندا» جارىق كورۋى گازەتتىڭ مەرەيىن اسىرىپ, وقىرمان الدىنداعى بەدەلىن بيىككە كوتەرگەنى. ماقالانى دۇنيە ءجۇزىنىڭ بەلدى اقپارات قۇرالدارى «ەگەمەننەن» كوشىرىپ باستى. ياعني بۇكىل دۇنيە ءجۇزى «ەگەمەن» ارقىلى ەلباسىنىڭ ماقالاسىنان ءبىرىنشى رەت قۇلاعدار بولدى. ءساۋىر ايىنان قاراشا ايىنا دەيىن «رۋحاني جاڭعىرۋ» باعدارلاماسى بويىنشا – 540, ءبىلىم سالاسىنا قاتىستى 300-دەن اسا ماقالا جاريالاندى. بۇلاردىڭ باسىم بولىگى ەلدەگى زيالى قاۋىم وكىلدەرى مەن عالىمداردىڭ وي-تولعاۋلارى, پىكىرلەرى», دەدى د.قىدىرالى.
ال «قازكونتەنت» اق باسقارما توراعاسى ەۆگەني كوچەتوۆ بولسا, «100 جاڭا ەسiم» جوباسىنا داۋىس بەرۋگە 342 مىڭ ادام قاتىسقانىن ايتتى. «جالپى جوبا اياسىندا سايتىمىزدا 2 112 ءوتiنiش iرiكتەلiپ, جاريالاندى. 15 قازاندا باستالعان ونلاين داۋىس بەرۋگە 302 ۇمiتكەر وتكەن بولسا, بiر ايعا جۋىق ۋاقىتتا 342 مىڭ قازاقستاندىق داۋىس بەرۋگە اتسالىستى. سالىستىرمالى تۇردە ايتساق, بۇل كورسەتكiش تاراز قالاسىنىڭ تۇرعىندارىنىڭ سانىنا تەڭ. جالپىحالىقتىق داۋىس بەرۋ ناتيجەسiندە 102 ۇمiتكەر iرiكتەلiپ, 1 جەلتوقسان كۇنi مەملەكەت باسشىسى نۇرسۇلتان نازارباەۆپەن كەزدەسۋگە قاتىستى», دەدi ە.كوچەتوۆ.
ونىڭ ايتۋىنشا, «100 جاڭا ەسiم» جوباسى بويىنشا جۇمىس ەندi باستالدى. الداعى ۋاقىتتا جوبا قاتىسۋشىلارى تۋرالى كiتاپتار, بروشيۋرالار شىعارىلىپ, دەرەكتi فيلمدەر تۇسiرiلەدi. سونداي-اق ولاردىڭ قاتىسۋىمەن ءتۇرلi كەزدەسۋلەر مەن جيىندار ۇيىمداستىرىلادى دەپ جوسپارلانۋدا.
نۇرلىبەك دوسىباي,
«ەگەمەن قازاقستان»