بۇگىن ءتۇبى ءبىر تۇركى جۇرتىنىڭ تۇپقازىعى, رۋحاني استاناسى - تۇركىستان قالاسىندا «تۇركىستان - تۇركى الەمىنىڭ مادەني استاناسى» جىلىنىڭ سالتاناتتى جابىلۋىنا ارنالعان گالا-كونتسەرت ءوتتى.
ء«تۇبى ءبىر تۇركىلەر» حورەوگرافيالىق-پلاستيكالىق قومپوزيتسياسىمەن باستاۋ العان كونتسەنرتتىك باعدارلامادا وبلىس اكىمى ج.تۇيمەباەۆ ءسوز الىپ, بارشا جيىلعان جۇرتشىلىقتى بۇگىنگى ايتۋلى كۇنمەن قۇتتىقتادى.
«تۇركى الەمىنىڭ بۇگىنگى زامانداعى كەمەڭگەر كوشباسشىسى اتانعان پرەزيدەنتىمىز نۇرسۇلتان ءابىش ۇلى نازارباەۆ «تۇركسوي» تۇركى الەمىنىڭ يۋنەسكو-سىنا اينالۋى ءتيىس» دەگەن بولاتىن. تۇركسوي ۇيىمى تۇركى الەمىنىڭ مادەني استانالارىن تاڭداۋ جوباسىن 2012 جىلدان بەرى جۇزەگە اسىرىپ, تۇركى دۇنيەسىنىڭ يۋنەسكو-سىنا اينالدى. وتكەن جىلدىڭ سوڭىندا تۇركسوي تۇراقتى كەڭەسىنىڭ 34-ءشى وتىرىسىندا تۇركىستان قالاسىن تۇركى الەمىنىڭ 2017 جىلعى مادەني استاناسى دەپ جاريالاۋ جونىندەگى تاريحي شەشىم قابىلداندى. سەبەبى, تۇركىستان – تۇركى قاعاناتتارىنىڭ تۋى تىگىلگەن وردا. تۇركى حالىقتارىنىڭ وراسان زور وعلاندارى اق كيگىزدە حان كوتەرىلگەن قاسيەتتى جەر. تۇركى الەمىنىڭ ماڭىزدى جوباسى ەلباسىنىڭ «بولاشاققا باعدار: رۋxاني جاڭعىرۋ» ماقالاسىمەن كەرەمەت استاسىپ, جىل بويىندا ۇلتتىق ءداستۇرىمىزدى دارىپتەيتىن كوپتەگەن شارالاردىڭ جوعارى دەڭگەيدە وتكىزىلۋىنە تىكەلەي ىقپالىن تيگىزدى»,-دەدى اكىم.
بۇدان سوڭ ايماق باسشىسى قر مادەنيەت جانە سپورت ءمينيسترى ارىستانبەك مۇحامەدي ۇلى مەن «تۇركسوي» حالىقارالىق ۇيىمىنىڭ باس حاتشىسى قاسەيىنوۆ دۇيسەن قۇراباي ۇلىنا العىس ءبىلدىرىپ, ماراپاتتاسا, تۇركيا رەسپۋبليكاسى مادەنيەت جانە تۋريزم ۆيتسە ءمينيسترى حۋسەين يايمان مىرزاعا قازاقستان-تۇركيا دوستىعى مەن ىنتىماقتاستىعىن دامىتقانى ءۇشىن توسبەلگى تاقتى. ال قالعان تۇركى ەلدەرىنەن كەلگەن قوناقتارعا وبلىس اكىمىنىڭ ارنايى سىيلىعى تاپسىرىلدى.
باۋىرلاس ەلدەردىڭ باسى قوسىلعان مەرەكەلىك شارادا ءازىربايجان, تۇرىكمەنستان, تۇركيا, وزبەكستان, قىرعىزس تان مەملەكەتتەرى مەن رەسەي فەدەراتسياسىنىڭ تاتارستان, باشقۇرتستان, ساحا-ياكۋتيا, تىۆا رەسپۋبليكالارى جانە قىرىمنان ارنايى كەلگەن ونەر ۇجىمدارى ءوز ونەرلەرىن پاش ەتتى.
جابىلۋ سالتاناتى بارىسىندا 35-ءشى تۇراقتى كەڭەسى وتىرىسىنىڭ شەشىمى بويىنشا 2018 جىلعى تۇركى الەمىنىڭ مادەني استاناسى اتانعان تۇركيا رەسپۋبليكاسى كاستانومۋ قالاسىنا «تۇركى الەمىنىڭ مادەني استاناسى» سيمۆولى مەن تۋى تاپسىرىلدى. ءىس-شارا ش.قالداياقوۆ اتىنداعى وبلىستىق فيلارمونيا, وبلىستىق وپەرا جانە بالەت تەاترىنىڭ انشىلەرى مەن بارلىق قاتىسۋشىلار بىرلەسە «تۇركىستان - تۇركى الەمىنىڭ استاناسى» اتتى انىمەن اياقتالدى.
ەستەرىڭىزگە سالا كەتەيىك, وتكەن جىلدىڭ سوڭىندا ءازىربايجان رەسپۋبليكاسىنىڭ شەكي قالاسىندا وتكەن تۇركسوي تۇراقتى كەڭەسىنىڭ 34-ءشى وتىرىسىندا تۇركىستان قالاسى - تۇركى الەمىنىڭ 2017 جىلعى مادەني استاناسى بولىپ بەكىتىلىپ, جىل بويى تۇركىتىلدەس ۇلتتار اراسىنداعى باۋىرلاستىق بايلانىستار مەن دوستىقتى نىعايتۋ, تۇركىلىك مادەنيەت پەن ونەردى ۇرپاقتان ۇرپاققا جەتكىزىپ, ونى الەمگە تانىتۋ ماقساتىندا 40-قا جۋىق ءتۇرلى ءىس-شارالار ۇيىمداستىرىلدى.