ارقالىق قالاسىندا جاڭا بالاباقشا اشىلدى

ء«ماجيتوۆا» جەكە كاسىپكەرلىك كاسىپورنى ارقالىق قالاسىنان ءبىر كوتتەدج ساتىپ الىپ, ونى بالاباقشاعا ارناپ, قايتا جاڭعىرتۋ جۇمىستارىن جۇرگىزدى. 50 ورىندىق بالاباقشادا اسحانا, ويىن, جاتىن بولمەلەرى, دەنە شىنىقتىرۋ زالى, تاعى باسقا قاجەتتىڭ بارلىعى بار. بالا باقشا قالاداعى بۇلدىرشىندەر كەزەگىن ازايتۋعا جانە مەكتەپكە دەيىنگى ءبىلىم بەرۋ ءىسىن, تاربيە جۇمىسىن دامىتۋعا مۇمكىندىك بەرەدى.

«عيماراتتى ساتىپ الۋعا, ونى جوندەۋ, اينالاسىن كوگالداندىرۋ جانە بالالاردىڭ جازعى ويىن الاڭىن جاساۋ جۇمىستارىنا 30 ميلليون تەڭگە قارجى جۇمسالدى. قازىر بالاباقشادا 25 بالا بار, قالعان بۇلدىرشىندەر مەديتسينالىق تەكسەرۋدەن ءوتىپ جاتىر, ەلۋ بالا بولادى» دەيدى بالاباقشا مەڭگەرۋشىسى اسەم ءماجيتوۆا.

مۇندا 15 ادامعا جۇمىس بەرىپ وتىر. ال ءار بالا ءۇشىن اتا-انا 11,5 مىڭ تەڭگە تولەيدى, قالعان 25 مىڭ تەڭگەنى قالا بيۋدجەتى وزىنە الدى.

ءنازيرا جارىمبەت, «ەگەمەن قازاقستان»