ۆارشاۆادا (پولشا) ەكىنشى حالىقارالىق ورتالىق اۋىلشارۋاشىلىعى كورمەسى ءوتتى, دەپ حابارلايدى قر اشم ءباسپاسوز قىزمەتى.
بۇل شارانىڭ ماقساتى اگروونەركاسىپتىك نارىقتا جۇمىس ىستەيتىن پولياك كاسىپكەرلەرىنىڭ شەتەلدىك سەرىكتەستەرمەن تاجىريبە الماسۋىنا جاعداي جاساۋ, ساۋدا جانە ينۆەستيتسيالىق ىنتىماقتاستىقتىڭ ارتىقشىلىقتارى مەن مۇمكىندىكتەرىن كورسەتۋ بولدى.
كورمەگە ۋكراينا, قازاقستان, ءازىربايجان, قىتاي, تۇركيا, برازيليا, ارگەنتينا, كەنيا, الجير, بىرىككەن اراب امىرلىكتەرى جانە ەۋروپا, ازيا جانە افريكا سياقتى 20-دان استام ەلدىڭ كاسىپكەرلەرى قاتىستى.
حالىقارالىق كورمەدە «ازىق-ت ۇلىك كەلىسىم شارت كورپوراتسياسى» ۇك اق «اوك-ءنىڭ ەكسپورتتىق ورتالىعىنىڭ» تۇساۋكەسەرىن وتكىزدى. ايتا كەتۋ كەرەك, اتالعان ەكسپورتتىق ورتالىقتى قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەملەكەت باسشىسىنىڭ اۋىلشارۋاشىلىعى ونىمدەرىنىڭ ەكسپورتىن ۇلعايتۋ جونىندە بەرىلگەن تاپسىرماسىنا سايكەس قۇرعان بولاتىن.
تۇساۋكەسەر قازاقستاننىڭ ەكسپورتتىق مۇمكىندىكتەرى مەن الەۋەتىن كورسەتەتىن قازاقستاننىڭ اۋىلشارۋاشىلىعى ونىمدەرىن ەۋروپانىڭ سىرتقى نارىقتارىنا جانە پولشا نارىعىنا شىعارۋ ماقساتىندا ۇسىنىلعان قازاقستان-پولياك بيزنەس-فورۋمى اياسىندا ءوتتى.
كورمەدە «اوك-ءنىڭ ەكسپورتتىق ورتالىعى» زىعىر تۇقىمدارى, قىشا, راپس, كۇنباعىس, قاتتى جانە جۇمساق بيداي, سويا, جاسىمىق, ارپا سياقتى وسىمدىكتەردىڭ ۇلگىلەرىن ۇسىندى. زىعىر مەن قىشا مايى پولشا كاسىپكەرلەرىنىڭ ەرەكشە قىزىعۋشىلىعىن تۋدىردى.
تۇساۋكەسەر قورىتىندىسى بويىنشا 2018 جىلدىڭ اياعىنا دەيىن «اوك ەكسپورتتاۋ ورتالىعى» مەن «پولشا-قازاقستان اۋىل شارۋاشىلىعى كلاستەرى» اراسىندا 10 مىڭ توننا زىعىر تۇقىمىن جانە 2 مىڭ توننا قىشا تۇقىمىن جەتكىزۋ تۋرالى كەلىسىمگە قول قويىلدى.
بۇل كەلىسىم قازاقستان مەن پولشانىڭ اۋىل شارۋاشىلىعى سالاسىنداعى جەمىستى ىنتىماقتاستىعىنا ءسوزسىز وڭ اسەرىن تيگىزەدى جانە ەلىمىزدىڭ ەكسپورتتىق الەۋەتىن ارتتىرادى.