بۇگىن شىمكەنت قالاسىنداعى «Shymkent Plaza» ساۋدا ويىن-ساۋىق ورتالىعىندا 1 جەلتوقسان - تۇڭعىش پرەزيدەنت كۇنىنە ارنالعان «تəۋەلسىزدىك تۇعىرىن بەكىتكەن ەلباسى» اتتى فوتو كورمە اشىلدى.
پرەزيدەنت كۇنىنە ارنالعان ءىس-شارانىڭ بارىسىندا تاۋەلسىزدىكتىڭ العاشقى كۇندەرىنەن بۇگىنگە دەيىن ەلىمىزدىڭ تۇراقتى دامۋىنا نەگىز بولىپ كەلە جاتقان مەملەكەت باسشىسىنىڭ ساياساتى مەن يدەياسىنىڭ اينالاسىنا قوعامدى توپتاستىرعاندىعىنىڭ ايعاعىن كورسەتەتىن, تəۋەلسىزدىك جەتىستىكتەرىن بەينەلەيتىن شامامەن 50-گە جۋىق سۋرەت ۇسىنىلدى. سونداي-اق كورمەدە ۇلت كوشباسشىسىنىڭ كوپۇلتتى, كوپكونفەسسيالى, تاۋەلسىز, دەموكراتيالىق قازاقستاننىڭ قالىپتاسۋى مەن تۇتاستىعىن ساقتاۋداعى ءرولى, قازاقستاننىڭ سىرتقى, ىشكى ساياساتتاعى جەتىستىكتەرى جəنە مەملەكەت باسشىسىنىڭ باسقارۋىمەن رەسپۋبليكامىزدىڭ سان-سالالى, كوپقىرلى دامۋى كورسەتىلدى.
اتالعان ءىس-شاراعا وبلىس əكىمى ج.تۇيمەباەۆ, وبلىس əكىمدىگىنىڭ وكىلدەرى, شىمكەنت قالاسىنىڭ əكىمى ن.ساۋرانباەۆ, قالا تۇرعىندارى مەن قوناقتارى قاتىستى. كورمە مەرەكەلىك كونتسەرتتىك باعدارلامامەن ۇلاستى.