ورال قالاسىندا «Qazaq kitaptari 1929-1940 zhyl» اتتى كىتاپ كورمەسى اشىلدى. كورمەگە 1929-1940 جىلدار ارالىعىندا لاتىن قارپىمەن باسىلىپ شىققان 100-دەن اسا كىتاپ قويىلعان.
«قازاقستان-2050» جالپىۇلتتىق قوزعالىسى مەن باتىس قازاقستان وبلىستىق تىلدەردى دامىتۋ باسقارماسى بىرلەسىپ ۇيىمداستىرعان كورمەنىڭ نەگىزگى ماقساتى - مەملەكەت باسشىسىنىڭ «قازاق ءتىلى ءالىپبيىن لاتىن قارپىنە كوشىرۋ تۋرالى» جارلىعىنا قولداۋ ءبىلدىرۋ.
- ءمانى زور شارانىڭ تۇڭعىش پرەزيدەنت كۇنى قارساڭىندا ءوتىپ جاتقانىنا قۋانىشتىمىز, - دەيدى كورمەنىڭ اشىلۋ سالتاناتىنا قاتىسقان باتىس قازاقستان وبلىسى اكىمىنىڭ ورىنباسارى عابيدوللا وسپانقۇلوۆ.
قازاق سسر-ىندە لاتىن قارپى قولدانىستا بولعان 1929-1940 جىلدار ارالىعىندا ەلىمىزدە بارلىعى 1,5-دەن اسا كىتاپ لاتىن الىپبيىمەن شىققان ەكەن. بۇل كورمەنى كورىپ, تاماشالاعان جاندار ەلىمىزدە 2025 جىلدان باستاپ قابىلداناتىن لاتىن ءالىپبيىن جاتسىنباي, تۇسىنىستىكپەن قابىلداماق. «قازاقستان-2050» جالپىۇلتتىق قوزعالىسىنىڭ توراعاسى مۇحتار مانكەەۆتىڭ ايتۋىنشا, اتالمىش كورمە 1 جەلتوقسانعا دەيىن تۇرادى.
قازبەك قۇتتىمۇرات ۇلى
«ەگەمەن قازاقستان».
ورال
سۋرەتتى تۇسىرگەن رافحات حالەلوۆ