قازاقستان پرەزيدەنتى يران يسلام رەسپۋبليكاسىنىڭ پرەزيدەنتى حاسان رۋحانيگە كوڭىل ايتۋ جەدەلحاتىن جولدادى.
مەملەكەت باسشىسى بۇگىن يراننىڭ باتىسىنداعى كۇشتى جەر سىلكىنىسى سالدارىنان كوپتەگەن ادامنىڭ قازا بولعانى جانە زارداپ شەككەنى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنا كوڭىل ايتىپ, قايعىعا ورتاقتاستىعىمدى بىلدىرەمىن. سونداي-اق, زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن», – دەلىنگەن جەدەلحاتتا.