بۇگىن ۇكىمەت ۇيىندە قر پرەمەر-ءمينيسترى باقىتجان ساعىنتاەۆ تسيفرلىق تەحنولوگيالار جونىندەگى ۆيتسە-پرەزيدەنت ۋيليام رۋ باسشىلىق ەتكەن General Electric كومپانياسىنىڭ وكىلدەرىمەن كەزدەسۋ وتكىزدى, دەپ حابارلادى primeminister.kz.
كەزدەسۋ بارىسىندا كومپانيامەن ەل ەكونوميكاسىنىڭ ءتۇرلى سالالارىندا تسيفرلاندىرۋ بويىنشا پەرسپەكتيۆالى ينۆەستيتسيالىق جوبالاردى ىسكە اسىرۋ جونىندە ىنتىماقتاستىق ورناتۋ ماسەلەلەرى تالقىلاندى.
ءبىر ايتا كەتەرلىگى, General Electric — ونەركاسىپ پەن تسيفرلىق تەحنولوگيالار بويىنشا الەمدىك كوشباسشى. كومپانيا قازاقستاندا كوپتەگەن جىلدار بويى كولىكتىك ماشينا جاساۋ, ەنەرگەتيكا, دەنساۋلىق ساقتاۋ, اۆياتسيا, سونداي-اق, مۇناي-گاز سالالارىندا قىزمەت كورسەتۋدە.
قازىرگى تاڭدا GE «سامۇرىق-قازىنا» ۇلتتىق ءال-اۋقات قورى, «قتج», «قازمۇنايگاز», Air Astana, Kaz Minerals جانە ERG-مەن سەرىكتەستىكتە ماڭىزدى ينفراقۇرىلىمدىق مىندەتتەردى شەشۋگە قاتىسىپ جاتىر.