بۇگىن «نۇر وتان» پارتياسىنىڭ ورتالىق اپپاراتىنىڭ كونفەرەنتس-زالىندا «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ گرانت الۋشىلارى جوبانىڭ جۇزەگە اسۋى مەن ناتيجەسى تۋرالى ەسەپ بەرەدى.
بيىل ورتالىق مەملەكەتتىك گرانتتاردى بەرۋ ءۇشىن 3 بايقاۋ وتكىزدى. ناتيجەسىندە ەلىمىزدىڭ 49 ۇكىمەتتىك ەمەس ۇيىم 618, 595 ملن. تەڭگەگە 57 گرانتتىق جوبانى جۇزەگە اسىرىپ جاتىر. الەۋمەتتىك سالانىڭ 12 باعىتى قامتىلدى. جالعىز دونور – قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى. بارلىعى 327 ۇەۇ-نان 512 ءوتىنىش تۇسسە, ەل ايماقتارىنان 173 ۇيىمنان 245 ءوتىنىش ءتۇستى. ونىڭ ىشىندە, 52 ءوتىنىش شىعىس قازاقستان وبلىسىنان, 45 ءوتىنىش پاۆلودار ەنشىسىندە بولسا, 29-ى قاراعاندى وبلىسىنان تۇسكەن. ەڭ تومەن بەلسەندىلىك تانىتقان باتىس قازاقستان وبلىسى – 4 جانە اتىراۋدان 2 ءوتىنىش قابىلداندى.
العاشقى بايقاۋ وتكەننەن كەيىن, ءتىپتى, جوبالاردى جۇزەگە اسىرۋ بارىسىندا دا ازاماتتىق قوعام وكىلدەرى اراسىندا گرانتتاردىڭ جۇزەگە اسىرىلۋى, گرانت يەگەرلەرىنىڭ جۇمىسىنىڭ اشىقتىعى تۋرالى سۇراقتار تۋىندادى. بۇگىنگى ءىس-شارا قوردالانعان وسى سۇراقتارعا جاۋاپ بەرە الدى: قىزىقتى سۇراقتار دا, جاسالعان جۇمىس ناتيجەسى دە, «ەرەكشە بالالاردىڭ» انالارىنىڭ گرانت اياسىندا قولعا الىنعان جوباعا العىسىن ءبىلدىرىپ, ءارى قاراي دا قولداۋ كورسەتۋ تۋرالى انالىق ءوتىنىشى دە بولدى.
كەزدەسۋدە بايقاۋعا قاتىسقان وزگە دە ۇەۇ وكىلدەرى گرانت يەگەرلەرىنە تىكەلەي سۇراقتارىن قويىپ, گرانت اياسىندا نە ىستەپ, قانداي ناتيجەگە قول جەتكىزگەندەرىن سۇراي الدى.
«ازاماتتىق باستامالاردى قولداۋ ورتالىعى» اق باسقارما توراعاسى نۇرلان وتەشەۆ كەزدەسۋدىڭ وسىنداي فورماسى ۇەۇ-عا ۇسىنىپ وتىرعان قىزمەتىنىڭ ستاندارتتارىن جەتىلدىرىپ, قوعامعا گرانتتاردىڭ قالاي جۇزەگە اسىپ جاتقاندىعى تۋرالى حاباردار بولۋعا مۇمكىندىك بەرەتىندىگىن ايتتى. ورتالىق مۇنداي كەزدەسۋلەردى جىلىنا كەمىندە ەكى رەت ۇيىمداستىرىپ وتىرۋدى جوسپارلاپ وتىر.
قازاقستاندا مەملەكەتتىك قولداۋدىڭ ءبىر ءتۇرى - گرانتتىق مەحانيزمگە دەگەن قىزىعۋشىلىقتىڭ جىل ساناپ ارتىپ كەلە جاتقانىڭ مىنا كورسەتكىشتەن-اق بايقاۋعا بولادى. 2016 جىلى جۇمىسىن باستاعان ورتالىققا العاشقى جىلى 88 ءوتىنىش تۇسسە, 2017 جىلى بۇل كورسەتكىش 512-گە جەتتى, ونىڭ ىشىندە 245 ءوتىنىش ەلىمىزدىڭ وڭىرلەرىنەن تۇسكەن.
ۇكىمەت كەلەر جىلى دا ۇەۇ-دى گرانتتىق قارجىلاندىرۋ اياسىندا قولداۋدا جوسپارلاپ وتىر. 2018 جىلى قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى ۇكىمەتتىك ەمەس ۇيىمدارعا 900 ملن. تەڭگەگە 79 گرانت بولمەك. بۇل تۋرالى ازاماتتىق قوعام ىستەرى كوميتەتىنىڭ ءتورايىمى ءاليا گاليموۆا ايتتى.
ونىڭ ايتۋىنشا, 2017 جىلى گرانتتىق قارجىلاندىرۋدىڭ اشىق وتۋىنە قاتىستى ءىس-شارالار قولعا الىنعان, ال كەلەسى جىلى ساراپشىلاردىڭ رەەستر قىزمەتى ىسكە قوسىلاتىن بولادى.
بيىل ارالىق ەسەپ بويىنشا, گرانتتىق جوبالار اياسىندا 19 كەشەندى زەرتتەۋ, 8 الەۋمەتتىك قىزمەت, 5 ۆەب-رەسۋرس اشىلىپ, 4 سەنىم تەلەفونى حالىققا قىزمەت كورسەتۋدە. 131934 ادام قامتىلعان 392-گە جۋىق ءىس-شارا ۇيىمداستىرىلىپ, 39 ۇلتتىق جانە 7 حالىقارالىق ساراپشى تارتىلدى.