ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆتىڭ باستاماسىمەن قۇرىلعان «ۋاقىپ» كورپوراتيۆتىك قايىرىمدىلىق قورىنان قازاقستان مۇسىلماندارى ءدىني باسقارماسى وسكەمەن ايماعىنىڭ 11 يمامىنا قايىرىمدىلىق باعىتىندا قارجىلاي كومەك كورسەتىلدى.
بۇگىنگى تاڭدا «ۋاقىپ» قورى ەلىمىزدەگى الەۋمەتتىك از قامتىلعان توپتار مەن رۋحاني شارالاردى قولداپ قارجىلاندىرۋمەن قاتار, ءدىني قىزمەتكەرلەردىڭ الەۋمەتتىك جاعدايىن جاقسارتۋعا دا نازار اۋدارىپ وتىر. «قوردىڭ قۇرىلۋى, اسىرەسە اسىل ءدىنىمىزدى ناسيحاتتاۋدا تالماي ەڭبەك ەتىپ جۇرگەن يمامداردىڭ الەۋمەتتىك ماسەلەسىن جاقسارتۋ جولىندا يگىلىكتى قادام بولدى. ءدىن قىزمەتكەرلەرىنىڭ حالىققا الاڭسىز قىزمەت ەتۋى ءۇشىن وسىنداي ىزگى امالداردىڭ پايداسى زور» دەيدى قمدب وسكەمەن ايماعىنداعى وكىل يمامى ەرمەك قاجى تاسبولات ۇلى.