وبلىستىق مادەنيەت, ارحيۆتەر جانە قۇجاتتاما باسقارماسىنىڭ حابارىنشا, بۇل جوبا جۇمىستارىن «رۋحاني جاڭعىرۋ» باعدارلاماسى اياسىندا جۇزەگە اسىرىلۋدا.
سكانەرلەۋ كەزىندەگى جىلدام ارەكەت ەتەتىن QR-كودى تاقتايشا باسقارما عيماراتىندا ورناتىلدى. QR-كودتى جۇمىستا دا, كادىمگى پلاكات, كىتاپحانادا, قۇتتىقتاۋ قاعازىنا دەيىن پايدالانۋعا بولادى.
بارلىعى ءسىزدىڭ قيالىڭىزعا بايلانىستى. كەز-كەلگەن اقپاراتتى ساقتاۋ ءۇشىن دە پايدالانا الاسىز.تەلەفونداعى باعدارلاما كودتان اقپاراتتى وقيدى جانە ونى دايىن تۇردە بەرەدى, ياعني ءسىزدىڭ ۋاقىتىڭىزدى ۇنەمدەيدى. ال, باسقارما عيماراتىنا ورناتىلعان كود ارقىلى وبلىستىق مادەنيەت باسقارماسى جايلى ءۇش تىلدە اقپارات الاسىز. تۇرعىندار تاريحي جانە ارحيتەكتۋرالىق نىساندار جايلى بارلىق اقپاراتتاردى وسى كود ارقىلى بىلەدى. الداعى ۋاقىتتا وبلىس ورتالىعىنداعى ءار ەسكەرتكىشكە جىلدام اسەر ەتۋ كودتارى بار تاقتايشالار قويىلادى.
ياعني, سمارتفوندارداعى ارنايى قوسىمشا ارقىلى قاجەتتى ماعلۇماتتى الۋ ىڭعايلى. اقپارات لاتىن قارىپىندە ءۇش تىلدە ۇسىنىلادى. وبلىس تۇرعىندارى ءوڭىر تاريحىمەن تانىسادى. بۇدان باسقا تاقتايشالار تاريحي جانە ارحيتەكتۋرالىق ماڭىزى بار 45 عيماراتقا ورنالاستىرىلادى.
فاريدا بىقاي
«ەگەمەن قازاقستان»
پاۆلودار