جاڭا ماۋسىمدا تىڭ جوبالارمەن كورەرمەندەرگە جول تارتقان «QAZAQSTAN» تەلەراديوكورپوراتسياسىنىڭ شقو بويىنشا فيليالى ەندى جاڭا اتاۋمەن شىقپاق.
وبلىس تۇرعىندارىنا رەبرەندينگتەن كەيىن جاڭارعان «Altai’» تەلەارناسى تانىستىرىلدى. بۇل تۋرالى وبلىستىق اقپاراتتىق ورتالىعى حابارلادى. سالتاناتتى شاراعا قاتىسقان وبلىس اكىمىنىڭ ءبىرىنشى ورىنباسارى نۇرىمبەت ساقتاعانوۆ تەلەارنا كورەرمەندەرى مەن ۇجىمىنا جاڭا ماۋسىمدا ساتتىلىك تىلەپ, لەبىزىن ءبىلدىردى.
«ەلباسىنىڭ «بولاشاققا باعدار: رۋحاني جاڭعىرۋ» ماقالاسىن ناسيحاتتاۋ تۇرعىسىنان العاندا بۇل – ءدال ۋاقىتىندا جاسالعان قادام. «قازاقستان» كورپوراتسياسىنىڭ بارلىق مەديارەسۋرستاردى ءبىر لوگوتيپ اياسىندا بىرىكتىرىپ, اتاۋلارىن بىرىڭعايلاتىن ارىپتەرىمەن تاڭبالاۋى - قۇپتارلىق شەشىم. «قازاقستان-وسكەمەن» تەلەارناسىن «التاي» دەپ وزگەرتۋ ورىندى. ويتكەنى, التاي – تۇركى الەمىنىڭ التىن بەسىگى. شىعىس قازاقستان – كەندى التايدىڭ, ءور التايدىڭ جۇرەگى», – دەدى نۇرىمبەت ساقتاعانوۆ.
ايتا كەتسەك, جاڭا ماۋسىماشاردا «QAZAQSTAN» تەلەراديوكورپوراتسياسىندا ورىن العان رەبرەندينگتەن كەيىن بىرقاتار تەلەارنالاردىڭ اتاۋى وزگەرتىلىپ تانىستىرىلۋدا. «Altai’» تەلەارناسى جەتىنشى بولىپ جاڭا ماۋسىمعا اياق باستى.
ازامات قاسىم, «ەگەمەن قازاقستان»