بۇگىن قر ۇكىمەتى وتىرىسىنىڭ قورىتىندىسى بويىنشا ءباسپاسوز كونفەرەنتسياسى بارىسىندا ءبىلىم جانە عىلىم ۆيتسە-ءمينيسترى اسحات ايماعامبەتوۆ شالعاي ەلدى مەكەندەردەگى تۇلعالاردى وقىتۋ ءۇشىن ءموبيلدى وقۋ ورتالىقتارىن پايدالانۋعا بەرۋ بويىنشا پيلوتتىق جوبا تۋرالى ايتىپ بەردى
اتالعان ءموبيلدى وقۋ ورتالىقتارى 2017 جىلى باستاۋ العان «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسىن ىسكە اسىرۋ اياسىندا قۇرىلدى.
ا. ايماعامبەتوۆ ايتىپ وتكەندەي, پيلوتتىق رەجيمدە توعىز وسىنداي ورتالىق ەلىمىزدىڭ بەس اۋدانىنا باعىتتالدى. بۇگىندە اقتوبە, قوستاناي جانە شىعىس قازاقستان وبلىستارىندا التى وقۋ ورتالىعى پايدالانۋعا بەرىلدى. اقمولا مەن ماڭعىستاۋ وبلىستارىندا ءموبيلدى وقۋ ورتالىقتارىن ساتىپ الۋ جۇرگىزىلىپ جاتىر.
ا. ايماعامبەتوۆتىڭ ايتۋىنشا, ماماندارى بار جابدىقتالعان كولىكتەر مەن اۆتوبۋستار جەر-جەرلەرگە بارىپ, ادامدارعا ناقتى ماماندىقتاردى, نەگىزىنەن تەحنيكالىق ماماندىقتاردى وقىتادى. كۋرستار جەرگىلىكتى كوللەدجدەردىڭ جانە جۇمىسپەن قامتۋ ورتالىقتارىنىڭ جانىنان ۇيىمداستىرىلادى.
ء«بىر ءموبيلدى ورتالىقتا وقىتۋ بىردەن بەس بىلىكتىلىك بويىنشا جۇرگىزىلەدى. ازىرگە اتالعان جۇمىس پيلوتتىق رەجيمدە ىسكە اسىرىلىپ جاتىر. سونىڭ ناتيجەسىنە سۇيەنە وتىرىپ, كەلەسى جىلى جۇمىس ەلىمىزدىڭ باسقا دا وڭىرلەرىندە جالعاسادى», — دەپ اتاپ ءوتتى ءبىلىم جانە عىلىم ۆيتسە-ءمينيسترى.