بۇگىن قر ۇكىمەتى وتىرىسىنىڭ قورىتىندىسى بويىنشا ءباسپاسوز كونفەرەنتسياسى بارىسىندا ءبىلىم جانە عىلىم ۆيتسە-ءمينيسترى اسحات ايماعامبەتوۆ ەلىمزدەگى جانە الەمدەگى ەكونوميكالىق تۇرلەنۋلەرگە قاتىستى تەحنيكالىق جانە كاسىپتىك ءبىلىم بەرۋ (تجكب) ماماندىقتارىنىڭ جىكتەۋشىسى قالاي وزگەرگەنىن ايتىپ بەردى.
اسحات ايماعامبەتوۆتىڭ ايتۋىنشا, 2017 جىلى جۇمىس بەرۋشىلەردىڭ ۇسىنىستارىن ەسكەرە وتىرىپ, تجكب جىكتەۋشىسىنە 28 جاڭا ماماندىق پەن 130 بىلىكتىلىك ەنگىزىلدى.
سونىمەن قاتار جىكتەۋشى ءۇشىنشى ونەركاسىپتىك رەۆوليۋتسيامەن, روبوتتاندىرۋمەن, اۆتوماتتاندىرۋمەن بايلانىستى ءتان ەمەس ماماندىقتارمەن تولىقتى. مىسالعا, ونەركاسىپتىك ەلەكترونشى سياقتى ماماندىق پايدا بولدى.
ء«بىز جاي عانا جاڭا ماماندىق جاساپ قانا قويماي, وعان ارناپ سايكەس باعدارلاما, جوسپار ازىرلەدىك, وقۋلىقتار مەن وقۋ قۇرالدارىن جاسادىق, بەس مىڭعا جۋىق پەداگوگتى وقىتتىق. بۇل جۇمىستى 100% ورىندادىق دەپ سەنىممەن ايتا الامىن», — دەپ اتاپ ءوتتى ۆيتسە-مينيستر.
بۇدان وزگە, ا. ايماعامبەتوۆ «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جاڭا باعدارلاماسى اياسىندا العاشقى جۇمىسشى ماماندىقتى قازاقستاندىقتار تەگىن الا الادى. تاعى ءبىر جاڭاشىلدىق — ەگەر بۇرىن 2 جىل 10 اي وقىپ, ستۋدەنتتەر ءبىر عانا بىلىكتىلىك السا, قازىر بىردەن ءۇش بىلىكتىلىك الۋ مۇمكىندىگى پايدا بولدى.