زەينەتاقى جۇيەسىنە ەنگىزىلەتىن وزگەرىستەر تۋرالى ورتالىق كوممۋنيكاتسيالار قىزمەتىندە ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا ايتىپ بەردى.
«ەلباسى نۇرسۇلتان نازارباەۆتىڭ تاپسىرماسىنا سايكەس, جاڭا جىلدان باستاپ زەينەتاقى كولەمىنىڭ مولشەرى 2016 جىلمەن سالىستىرعاندا 20 پايىزعا كوبەيتىلەدى. وسىلايشا مەملەكەت الەۋمەتتىك مىندەتتەمەلەر بويىنشا ءتيىستى شارالاردى جۇزەگە اسىرۋدا. 1 قاڭتاردان باستاپ قازاقستاندا ىنتىماقتى زەينەتاقى كولەمى 8 پايىزعا, بازالىق زەينەتاقى جانە باسقا دا جاردەماقى تۇرلەرىنىڭ كولەمى 6 پايىزعا وسەدى. سونىمەن بىرگە بازالىق زەينەتاقىنى تاعايىنداۋدىڭ ءادىس-تاسىلدەرى دە وزگەرەدى. ماسەلەن, بۇگىندە بازالىق زەينەتاقى تولەمدەرى ەڭبەك ءوتىلى ەسەپكە الىنباي بارلىعىنا بىركەلكى بەرىلىپ كەلسە, 2018 جىلدىڭ 1 شىلدەسىنەن باستاپ ەڭبەك وتىلىنە قاراي ەسەپتەلىپ بولىنەتىن بولادى», دەدى ول.
سۆەتلانا جاقىپوۆانىڭ ايتۋىنشا, جيناقتاۋشى زەينەتاقى قورىنا جينالعان زەينەتاقى جارناسىن ەسكەرە وتىرىپ, 1998 جىلدىڭ 1 قاڭتارىنا دەيىنگى دە, 1998 جىلدىڭ 1 قاڭتارىنان كەيىنگى دە ەڭبەك ءوتىلى ەسەپكە الىنادى.
«مىسالى, ەگەر ازامات كەلەر جىلى زەينەتكەرلىككە شىعاتىن بولسا, 1998 جىلدىڭ 1 قاڭتارىنا دەيىنگى بىرلەسكەن زەينەتاقى جۇيەسىندەگى ەڭبەك ءوتىلى 20 جىل جانە 15 جىل بويى زەينەتاقى جيناقتاۋ قورىنا ءۇزىلىسسىز زەينەتاقى جارناسىن تولەدى دەپ ەسەپتەلىك. وسىلايشا, ونىڭ جيىنتىق ەڭبەك ءوتىلى 35 جىلعا تەڭ بولادى. جاڭا جۇيەنىڭ ءادىس-تاسىلىنە سايكەس, ەگەر ەڭبەك ءوتىلى 10 جىلدان كەم بولعان جاعدايدا, ەڭ تومەنگى ءومىر ءسۇرۋ دەڭگەيىنەن 54 پايىزعا تاعايىندالادى.
بۇل سوما كەلەر جىلى 15274 تەڭگەنى قۇرايدى. ەڭبەك ءوتىلى 10 جىلدان اساتىن بولسا, ءار جىل ءۇشىن 2 پايىز ۇستەمە قوسىلادى. ەگەر جوعارىداعى مىسالدا كەلتىرىلگەندەي, جالپى ەڭبەك ءوتىلى 35 جىل بولاتىن بولسا, بازالىق زەينەتاقى مولشەرى ەڭ تومەنگى ءومىر ءسۇرۋ دەڭگەيىنىڭ 100 پايىزى كولەمىندە, ەگەر ەڭبەك ءوتىلى 20 جىل بولاتىن بولسا, ەڭ تومەنگى ءومىر ءسۇرۋ دەڭگەيىنىڭ 74 پايىزى كولەمىندە تاعايىندالادى», دەدى ۆيتسە-مينيستر.
ءدال قازىر ەلىمىزدە بازالىق زەينەتاقى الاتىن 2 ملن 139 مىڭ ادام بار. ولاردىڭ 44,1 پايىزىنىڭ بازالىق زەينەتاقىسى ەكى ەسەگە كوتەرىلەتىن بولادى. ياعني, بۇل زەينەتكەرلەر بۇگىنگى كۇنى 14 466 مىڭ تەڭگە الاتىن بولسا, 1 شىلدەدەن 28 274 تەڭگە زەينەتاقى الادى.
«بۇل شارا ەڭبەك ءوتىلى كوپ بولا تۇرا از زەينەتاقى الىپ كەلگەن زەينەتكەرلەردىڭ زەينەتاقىسىن ايتارلىقتاي جوعارىلاتىپ, الەۋمەتتىك ادىلەتتىلىكتى ورناتادى. سونىمەن قاتار 1 قاڭتاردان باستاپ ەڭ تومەنگى كۇنكورىس دەڭگەيىنىڭ قۇرىلىمى دا وزگەرەدى. بۇگىنگى مولشەر – 24 459 تەڭگە. قۇرىلىمنىڭ وزگەرۋى تومەنگى ءومىر ءسۇرۋ دەڭگەيىنىڭ مولشەرىن 16 پايىزعا ارتتىرۋعا مۇمكىندىك بەرەدى. ەسكە سالا كەتەيىك, قازىرگى تاڭدا ازىق-ت ۇلىك سەبەتى ازىق-ت ۇلىك جانە ازىق-ت ۇلىككە جاتپايتىن بولىكتەن تۇرادى, مۇنىڭ قاتىناسى سايكەسىنشە 60 تا 40 پايىز.
2018 جىلدىڭ 1 قاڭتارىنان باستاپ بۇل قاتىناس ازىق-ت ۇلىككە جاتپايتىن بولىكتى ۇلعايتۋعا قاراي وزگەرىپ, سايكەسىنشە 55 جانە 45 پايىز بولادى. ناتيجەسىندە, كەلەر جىلدىڭ 1 قاڭتارىنان باستاپ ەڭ تومەنگى كۇنكورىس دەڭگەيىنىڭ مولشەرى 28 284 تەڭگە بولماق. بۇل شامامەن 3 ميلليونعا جۋىق ادامنىڭ الەۋمەتتىك جاعدايىن جاقسارتۋعا مۇمكىندىك بەرەدى», دەدى س.جاقىپوۆا.
راۋان قايدار, «ەگەمەن قازاقستان»