وڭتۇستىك قازاقستان وبلىسىنا جۇمىس ساپارىمەن كەلگەن قر پرەمەر-ءمينيسترىنىڭ ءبىرىنشى ورىنباسارى اسقار مامين جۇمىسشى توپپەن بىرگە شىمكەنت قالاسىنداعى حالىقارالىق اۋەجايدى قايتا قۇرۋ بويىنشا جيىنعا قاتىستى. ماجىلىسكە جۇمىسشى توپتان بولەك, وبلىس اكىمى ج.تۇيمەباەۆ قاتىسىپ, شىمكەنت اۋەجايى ەلدەگى ەڭ قارقىندى دامىپ كەلە جاتقان اۋەجايلاردىڭ ءبىرى ەكەنىن ايتتى. سونىمەن بىرگە اكىم وسى جىلدىڭ 9 ايىندا مۇنداعى جولاۋشىلار اعىمى 600 مىڭنان استام ادامدى قۇراپ, وتكەن جىلدىڭ ءتيىستى كەزەڭىمەن سالىستىرعاندا 30 پايىزعا ارتقانىن اتاپ ءوتتى. بۇل تۋرالى وقو اكىمىنىڭ ءباسپاسوز قىزمەتى حابارلادى.
جيىندا جولاۋشىلار حابىنىڭ حالىقارالىق جولاۋشىلار مەن وبلىس تۇرعىدارىنا الەمدىك دەڭگەيدە قىزمەت كورسەتەتىن بىرقاتار جوبالار وتىرىسقا قاتىسۋشىلاردىڭ نازارىنا ۇسىنىلدى. وندا وبلىس اكىمىنىڭ ءبىرىنشى ورىنباسارى د.ساتىبالدى 2020 جىلعى تمد ەلدەرىنىڭ مادەني استاناسى رەتىندە شىمكەنت قالاسىنىڭ جاريالانۋىنا بايلانىستى اۋماقتاردىڭ دامۋ باعدارلاماسىنا سايكەس شىمكەنت الەمدىك دەڭگەيدەگى قالا رەتىندە دامۋى جوسپارلانعانىن ايتتى.
«2020 جىلعى تمد ەلدەرىنىڭ مادەني استاناسى رەتىندە شىمكەنت قالاسىنىڭ جاريالانۋىنا بايلانىستى – حالىقارالىق دەڭگەيدەگى ءتۇرلى مادەني شارالاردى وتكىزۋگە ەرتە باستان دايىندالۋ قاجەتتىلىگى تۋىنداۋدا. وڭتۇستىك قازاقستان وبلىسى كورشى وزبەكستان رەسپۋبليكاسىمەن شەكارالاس بولعاندىقتان, كورشى ەلدىڭ شەكارالاس ايماقتارىمەن الەۋمەتتىك-مادەني جانە ەكونوميكالىق قارىم-قاتىناس جاقسارىپ كەلەدى. جوعارىدا ايتىلعان بارلىق العىشارتتاردان وبلىس ورتالىعىنا جاقىن جانە الىس شەتەلدەردەن كەلۋشىلەردىڭ سانى ەسەلەپ وسەتىنى بەلگىلى. وسىعان بايلانىستى, وبلىستىڭ تۋريستتىك, حالىقارالىق بايلانىستار الەۋەتىن دامىتۋ ماقساتىندا اۋە جانە تەمىرجول كولىگى ينفراقۇرىلىمىن قارقىنىن ارتتىرۋ قاجەت. بۇل ءوز كەزەگىندە وبلىس ەكونوميكاسىنا وڭ اسەر ەتىپ, بيۋدجەت كىرىستەرىنىڭ ۇلعايۋى مەن جاڭا جۇمىس ورىندارى اشىلۋنا سەپتىگىن تيگىزەدى»,-دەدى د.ساتىبالدى.
سونداي-اق, ول جولاۋشىلار حابى قۇرىلىسىنىڭ جوباسى بۇگىنگى زامان تالابىنان تۋىنداعان جوبا رەتىندە باعالاي وتىرىپ, اكىمدىك تاراپىنان اۋەجايدىڭ اۋماعىن كەڭەيتۋ, ينفراقۇرىلىم قۇرىلىسى مەن اۆتوموبيل جولدارى جۇيەسىن جولاۋشىلار اعىنىنا ساي دامىتۋ بويىنشا بىرقاتار ۇسىنىستاردى جەتكىزدى. بۇدان بولەك, ايماق باسشىسى تۋريستىك الەۋەتى مول وڭىردە ەكىنشى تەمىر جول ۆوكزالىن سالۋ جايى مەن تاشكەنت-تۇركىستان باعىتىندا تەمىر جول قاتىناسىن دامىتۋدى ۇسىندى.
ماجىلىستە سونىمەن بىرگە, قازاقستان تەمىر جولى» ۇك» اق پرەزيدەنتى قانات الپىسباەۆ «وڭىرلەردى دامىتۋ 2020» باعدارلاماسىندا باسىمدىقتى ميلليون تۇرعىنى بار الماتى مەن شىمكەنت قالالارى دامىتۋ حابى رەتىندە قاراستىرىلعانىن مالىمدەدى. وسى قالالاردىڭ دامۋى الماتى مەن شىمكەنت اگلومەراتسياسىن دامىتۋدىڭ ۇزاق مەرزىمدى جوسپارلارى اياسىندا جۇزەگە اسىرىلاتىنىن دا اتاپ ءوتتى.
«باعدارلامادا سونىمەن بىرگە شىمكەنتتەگى اۋەجاي حابىنىڭ قۇرىلىسى قاراستىرىلعان. قازىرگى ۋاقىتتا شىمكەنت اۋەجايى ەلىمىزدىڭ قارقىندى دامىپ كەلە جاتقان اۋە ايلاقتارىنىڭ ءبىرى بولىپ تابىلادى. 2014 جىل مەن 2016 جىلدى سالىستىرعاندا جولاۋشىلار تاسىمالىنىڭ ءوسۋى 40% -دان اسادى. Lufthansa Consulting Gmbh كومپانياسى ازىرلەگەن اۋەجايدىڭ دامۋ ستراتەگياسىنا سايكەس 2030 جىلعا قاراي ترافيك كولەمى جىلىنا 3 ملن ادامعا جەتەدى. شەتەلدىك اۆياكومپانيالار وسى وبلىستان ءۇرىمشى, كيەۆ, دەلي, دۋباي تەگەران, پەكين, پراگا باعىتتارى بويىنشا رەيستەر اشۋعا قىزىعۋشىلىق تانىتۋدا. وڭتۇستىك قازاقستان وبلىسى - تاريحي تۇرعىدان ماڭىزدى ايماق, ول شەتەلدىك تۋريستەردىڭ قىزىعۋشىلىعىن تۋدىرادى. ايماقتىڭ تۋريستىك كلاستەرىن دامىتۋ ايماقتىڭ ءتيىمدى ەكونوميكالىق دامۋىنا ىقپال ەتەدى جانە اۋەجايدىڭ وندىرىستىك قۋاتتىلىعىنىڭ وسۋىنە ىقپال ەتەدى»,-دەدى قانات الپىسباەۆ.
باياندامالىشاردى تىڭداپ ءوز ويىن بىلدىرگەن اسقار مامين شىمكەنت - رەسپۋبليكانىڭ نەگىزگى يندۋستريالىق, تۋريستىك جانە مادەني ورتالىقتارىنىڭ ءبىرى ەكەنىن ايتىپ, ميلليونعا جۋىق حالقى بار بۇل قالانىڭ دامۋىنا مەملەكەت باسشىسى دا ەرەكشە كوڭىل بولەتىنىن اتاپ ءوتتى.
وڭتۇستىك قازاقستان وبلىسى - ەلىمىزدىڭ ەڭ ماڭىزدى كولىكتىك حابى ەكەنىن ايتقان ا.مامين كەزدەسۋ قورىتىندىسى بويىنشا قر ينۆەستيتسيالار جانە دامۋ مينيسترلىگىنە اۋەجاي مەن اۋەجاي ينفراقۇرىلىمىنىڭ تۇجىرىمدامالىق دامۋى بويىنشا ۇسىنىستار ازىرلەپ ەنگىزۋدى تاپسىردى.