«ءۇلارۇمىت» قورىنىڭ زەينەتاقى اكتيۆتەرى 2011 جىلعى 1 قازانداعى جاعداي بويىنشا 408 ميلليارد 520 ميلليون تەڭگەدەن استى.
قازاقستاننىڭ زەينەتاقى نارىعىنداعى ءىرى جۇيە قۇرۋشى زەينەتاقى قورلارىنىڭ ءبىرى – «ءۇلارۇمىت» – 2011 جىلعى 1 قازانداعى جاعداي بويىنشا كەلەسى ناتيجەلەردى جاريالايدى:
زەينەتاقى اكتيۆتەرى – 408 ميلليارد 520 ميلليون تەڭگە,
سالىمشىلاردىڭ سانى – 1 ميلليون 647 مىڭ ادام,
قىزمەتىنىڭ باسىنان بەرى ەسەپتەلگەن ينۆەستيتسيالىق كىرىس – 88 ميلليارد 550 ميلليون تەڭگەدەن استام,
زەينەتاقى اكتيۆتەرى بويىنشا نارىقتاعى ۇلەسى – 16,2 %,
قىزمەتىنىڭ بارلىق كەزەڭىندە الۋشىلارعا جاسالعان تولەمدەر – 37 ميلليارد 485 ميلليون تەڭگەدەن استام,
جارعىلىق كاپيتال – 10 ميلليارد 654 ميلليون تەڭگە
«ءۇلارۇمىت» جزق كوپتەگەن قارجىلىق كورسەتكىشتەر بويىنشا زەينەتاقى ءجۇيەسى كوشباسشىلارىنىڭ ۇشتىگىنە كىرەدى.
قوردىڭ ينۆەستيتسيالىق ساياساتتاعى نەگىزگى ارەكەتتەرى قورجىن قۇرىلىمىنىڭ تيىمدىلىگىن ارتتىرۋعا, اكتيۆتەردىڭ تابىستىلىعىن وڭتايلاندىرۋعا جانە الەمدىك نارىقتا بولىپ جاتقان تۇراقسىزدىق كەزەڭىندە تاۋەكەلدەردى ازايتۋعا باعىتتالعان. ينۆەستيتسيالىق قورجىندا ينفلياتسيانىڭ دەڭگەيىنە باعدارلانعان مەملەكەتتىك باعالى قاعازداردىڭ ۇلەسى ارتتى. بۇل جيناقتاردىڭ ساقتالۋىن قامتاماسىز ەتۋگە جانە ولاردى داعدارىستىڭ كەزەكتى تولقىنىنان بولۋى ىقتيمال جاعىمسىز ءجايتتاردان قورعاۋعا مۇمكىندىك بەرەدى. سونىمەن بىرگە, قوردىڭ باسقارۋشى كومپانياسى, قارجى نارىعىندا ينۆەستيتسيالاۋ ءۇشىن قولايلى جاعداي تۋىنداعاندا, بەلسەندى ساۋدا وپەراتسيالارىن جۇرگىزۋگە دايىن, بۇل ورتا مەرزىمدى كەلەشەكتە كىرىستىلىكتىڭ وسۋىنە مۇمكىندىك بەرەتىن بولادى. سالىمشىلاردىڭ قاراجاتتارىنىڭ قالاي جۇمىس ىستەيتىنى تۋرالى تولىعىراق اقپاراتتى قور ءوزىنىڭ www.ularumit.kz سايتىندا جانە مەرزىمدى باسپاسوزدە جاريالاۋدا.
«ءۇلارۇمىت» جزق, ءوز سالىمشىلارىنا جاقىنىراق بولۋ ماقساتىندا, ايماقتىق جەلىنى دامىتۋعا باسا نازار اۋدارۋدا. 2011 جىلدىڭ ءۇشىنشى توقسانىندا ءوندىرىستى قالالار – جەزقازعان, ەكىباستۇز, تەمىرتاۋ جانە اقسايدا جاڭا فيليالدار اشىلدى. قازىرگى تاڭدا رەسپۋبليكامىزدىڭ بۇكىل اۋماعىندا قوردىڭ 21 فيليالى جانە 140 استام وكىلدىكتەرى جۇمىس ىستەيدى.
سونىمەن قاتار قور, جۇمىستىڭ تيىمدىلىگىن ارتتىرۋعا مۇمكىندىك بەرەتىن اكىمشىلىك شىعىنداردى وڭتايلاندىرۋدى جانە كاسىپقوي كادرلاردى بەلسەندىرۋدى جالعاستىرۋدا.
«ءۇلارۇمىت» سەرىكتەس كومپانيالارمەن بىرلەسىپ ءوز سالىمشىلارىنا ەرەكشە ءونىمدەر – تاۋارلاردى ساتىپ الۋ جانە قىزمەت كورسەتۋ كەزىندە جەڭىلدىكتەر الۋدى ۇسىنادى. قازاقستاننىڭ بۇكىل ايماعىندا ورنالاسقان 400-دەن استام ۇيىم قوردىڭ كليەنتتەرىن ارتىقشىلىقتارمەن قامتاماسىز ەتەدى. ولار قارجى مەكەمەلەرى, ءدۇكەندەر, مەديتسينالىق ورتالىقتار, ءتىس ەمدەۋ كلينيكالارى, ءدارىحانالار, قىزمەت كورسەتۋ ۇيىمدارى. قازىر, «ءۇلارۇمىتتىڭ» كليەنتتەرىنە نەسيەلەۋدىڭ ايرىقشا شارتتارىن ۇسىناتىن قازاقستاندىق جەتەكشى بانكتەرمەن كەلىسسوزدەر جۇرگىزىلۋدە.
قور ءوز سالىمشىلارىنا سەنىم ارتقاندارى جانە دۇرىس تاڭداۋ جاساعاندارى ءۇشىن العىسىن بىلدىرەدى.
مارات اققۇل.