وڭتۇستىك قازاقستان وبلىسىندا جالپى وڭىرلىك ءونىم كولەمى جىل سايىن ارتىپ كەلەدى. وسى جىلدىڭ ءبىرىنشى جارتى جىلدىعىندا وبلىستا جالپى وڭىرلىك ءونىم كولەمى 1 340,5 ملرد. تەڭگەنى قۇراپ, 2,7 پايىزعا ارتتى. بۇگىن بۇل تۋرالى وبلىس اكىمدىگىنىڭ كەزەكتى ماجىلىسىندە وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ارمان ءسابيتوۆ ءمالىم ەتتى.
باسقارما باسشىسى جىل سوڭىندا جالپى وڭىرلىك ءونىم كولەمى 3 014,5 ملرد. تەڭگەنى قۇرايتىندىعىن جەتكىزدى. وسىلايشا وڭتۇستىك قازاقستان وبلىسى رەسپۋبليكا كولەمىندە ءوسىم بويىنشا 5- ورىنعا تۇراقتاماق. ال, وڭدەۋ ونەركاسىبى ءونىمىنىڭ كولەمى 410,8 ملرد. تەڭگەنى قۇراپ, 2,1 پايىزعا ارتقان. الايدا ونەركاسىپ ءونىمى بويىنشا ينديكاتوردىڭ ورىندالماۋ قاۋىپى بار. جىلدىق جوسپاردى قامتاماسىز ەتۋ ءۇشىن ءونىم كولەمىن 850 ملرد. تەڭگەگە جەتكىزۋ قاجەت. الايدا شىمكەنت قالاسى مەن بايدىبەك, وتىرار اۋداندارىنىڭ ينديكاتورلارى جىلدىق جوسپاردان ارتتا قالۋدا.
«قازىرگى كەزەڭدە سوڭعى 9 ايدا ونەركاسىپ ءونىم كولەمى 605 ملرد. تەڭگەنى قۇراۋى قاجەت بولاتىن. الايدا 9 ايدىڭ قورىتىندىسىمەن ءونىم كولەمى 599,2 ملرد. تەڭگەگە جەتىپ وتىر. بۇدان بولەك, وڭىرىمىزدە تىركەلگەن شاعىن جانە ورتا كاسىپكەرلىكتىڭ ارەكەت ەتەتىن نىساندارىنىڭ ۇلەسى 83 پايىزدى قۇراپ, ينديكاتوردىڭ ورىندالماۋ قاۋىپى بار. سوڭعى 9 ايدا تىركەلگەن شاعىن جانە ورتا كاسىپكەرلىك نىساندارىنىڭ سانى 213 419 بولسا, ولاردىڭ 36 796 ارەكەت ەتپەيدى. ونىڭ ىشىندە ەڭ جوعارى دەڭگەي شىمكەنت قالاسىندا تىركەلىپ وتىر. ياعني قالاداعى 21 815 شاعىن كاسىپكەرلىك نىساندارىنىڭ جۇمىسى توقتاپ تۇر», - دەدى ارمان ءسابيت ۇلى.
سونداي-اق, قوعامدىق قاۋىپسىزدىكتى قامتۋ ماقساتىندا ىشكى ىستەر دەپارتامەنتىنە بيۋدجەتتەن بولىنگەن قارجى كولەمى جىل سايىن ۇلعايعانىمەن سالاعا قاتىستى بىرنەشە ينديكاتورلاردىڭ ورىندالماۋى بايقالادى. اتاپ ايتقاندا, جاسوسپىرىمدەر جاساعان قىلمىستاردىڭ ۇلەسىنىڭ جوسپارى 3,4 پايىز بولسا, ناقتى 9 ايدا – 3,5 پايىزدى قۇراعان. وتكەن جىلدىڭ 9 ايىمەن سالىستىرعاندا كورسەتكىش شىمكەنتتە, قازىعۇرتتا, ماقتارالدا, وتىراردا, سايرامدا, تولەبيدە, شاردارادا, كەنتاۋدا, تۇركىستاندا وسكەن.
جيىندا ايتىلعان ولقىلىقتارعا قانىققان ءوڭىر باسشىسى اۋدان, قالا اكىمدەرى مەن سالاعا جاۋاپتى باسشىلاردىڭ جۇمىسىن سىنعا الىپ, بىرقاتار تاپسىرمالار جۇكتەدى.
«بىرقاتار اۋدان-قالالاردا تىركەلگەنىمەن ارەكەت ەتپەيتىن شاعىن جانە ورتا كاسىپكەرلىك نىساندارى كوبەيىپ وتىر. مەملەكەت پەن ۇكىمەت تاراپىنان قانشاما قولداۋلار كورسەتىلىپ وتىرعان كەزەڭدە شاعىن جانە ورتا كاسىپكەرلىكتى تۇرالاتۋعا بولمايدى. ماسەلەن, شىمكەنت, سوزاقتا, تولەبيدە, تۇلكىباستا شاعىن جانە ورتا كاسىپكەرلىك نىساندارىنىڭ سانى ازايعان. اۋدان, قالا باسشىلارىنىڭ وسى رەتتەگى جۇمىستارىنا قاناعاتتانارلىقسىز دەگەن باعا بەرۋگە بولادى. بۇدان بولەك, بىرقاتار اۋدان قالا اكىمدىكتەرىندە تەك بيۋدجەتتىك ينۆەستيتسيالارمەن شەكتەلىپ, جەكە ينۆەستيتسيا تارتۋ بويىنشا جۇمىستار تومەن دەڭگەيدە جۇرگىزىلۋدە. جىل سوڭىنا دەيىن وسى ولقىلىقتاردىڭ ورنىن تولتىرۋدى جانە اپتا سايىن اقپارات بەرىپ وتىرۋدى تاپسىرامىن», - دەدى جانسەيىت قانسەيىت ۇلى.