استانا قالاسىنداعى №4 جامبىل جاباەۆ اتىنداعى مەكتەپ-گيمنازياعا بارعان «ەگەمەن قازاقستان» گازەتى ۇجىمىنىڭ وكىلەدىر ۇستازدارمەن كەزدەسۋ وتكىزدى.
شارا بارىسىندا مۇعالىمدەر مەكتەپتە قولدانىلاتىن جاڭا وقۋ ادىستەرىن تانىستىرىپ, رەسپۋبليكانىڭ باس باسىلىمىن ۇزبەي وقيتىندارىن جەتكىزدى. رەداكتسيا وكىلدەرى ءوز كەزەگىندە گازەتكە جاڭا ايدارلار مەن ارناۋلى بەتتەر قوسىلعانىن, مەكتەپ مۇعالىمدەرىمەن ءوزارا ىنتىماقتاستىققا ىنتالى ەكەنىن ايتتى.
«ەگەمەن قازاقستان» گازەتىندە بيىل ۇلكەن وزگەرىستەر بولدى. گازەت كولىكتە, ۇشاقتا ۇستاۋعا قولايلى جاڭا D2 ەۋرو فورماتىنا ىقشامدالدى. ديزاينى, ماكەتى وزگەرىپ, بارلىق بەتتەرى ءتۇرلى-تۇستىگە كوشتى. گازەتتىڭ باستى وقىرماندارى – مۇعالىمدەر. سول سەبەپتى ءبىز ء«بىلىم» مەن ء«تالىم» اتتى ارنايى بەتتەردى اشتىق. بۇل ايدار مۇعالىمدەردىڭ وقىتۋ ادىستەرىن كورسەتۋگە باعىتتالعان, ءارى ءبىلىم بەرۋ سالاسىنداعى وزەكتى ماسەلەلەر تۋرالى وقىرماندارىمىزدى حاباردار ەتەدى. ۇرپاق تاربيەسىنە بايلانىستى ءوز وي-پىكىرلەرىڭىزدى جازىپ, گازەتكە ۇسىنساڭىزدار بولادى.
گازەتتىڭ تارالىمى وتە ۇلكەن, قازاقستاننىڭ بارلىق وڭىرىنە, الىستاعى بارلىق اۋىلدارىنا جەتەدى. 200 مىڭنان استام وقىرمانىمىز بار», دەدى گازەت وكىلدەرى. مۇعالىمدەر قاۋىمى بۇل ۇسىنىستى قۋانىشپەن قابىلداپ, رەسپۋبليكالىق گازەتكە ماتەريال ۇسىنۋ مۇمكىندىگىن اعارتۋ ءىسىن جۇرگىزۋدىڭ مىقتى قۇرالى رەتىندە اتاپ ءوتتى.
«مۇعالىم ماماندىعىنىڭ قادىرى قاشتى. اتا-انالاردىڭ شاعىمدارى ءبىرىنىڭ ۇستىنە ءبىرى كەلىپ تۇسەدى. ءبىز كاسىبىمىزگە بۇرىنعىداي قۇرمەت بولعانىن قالايمىز. مەكتەپ – كىشكەنتاي بۇلدىرشىندەردىڭ ەكىنشى ءۇيى. بۇل ۇيدە ءبارىمىز تاتۋلىق مەن بىرلىكتە ءومىر سۇرگەنىمىز ابزال. سول سەبەپتى وزەكتى ماسەلەردى قالىڭ جۇرتشىلىققا جەتكىزۋدە ەلىمىزدىڭ باس گازەتىنىڭ كومەگى قۇپتارلىق», دەدى وسى مەكتەپتە 42 جىل ۇستازدىق ەتكەن ءزابيلا سماعۇلوۆا.
كەزدەسۋ سوڭىندا جۋرناليستەر مەكتەپ ىشىندەگى اباي قۇنانباي ۇلى مەن جامبىل جاباەۆقا جانە مەكتەپ تاريحىنا ارنالعان مۇراجايلاردى ارالاپ كوردى. كەزدەسۋگە باس باسىلىمنىڭ شىعارماشىلىق قۇرامىنان سۇلەيمەن ماجەت, قورعانبەك امانجول, دۋمان اناش جانە ەرلان ومار قاتىستى.
ايگەرىم ورىنبەك