قازاقستان پرەمەر-ليگاسىنىڭ 31-تۋرىنداعى ورتالىق كەزدەسۋدە «استانانى» قابىلداعان «ورداباسى» 2:1 ەسەبىمەن جەڭىسكە جەتتى.
شىمكەنتتە وتكەن بۇل باسەكە جەرگىلىكتى جانكۇيەرلەردىڭ دەلەبەسىن قوزدىرىپ دەگەندەرىنە جەتكىزدى. «ورداباسى» وڭاي الىناتىن قامال ەمەس ەكەنىن ەسەپتى العاشقى بولىپ گول سالۋمەن-اق دالەلدەي ءبىلدى دەۋگە بولادى. ويىننىڭ 35-ءىنشى مينۋتىندا ەركەبۇلان تۇڭعىشباەۆتىڭ سوققان دوبى ەسەپ اشتى.
ويىننىڭ 60-ىنشى مينۋتىندا «استانا» ساپىنداعى جورجە دەسپوتوۆيچ گول سوعىپ ەسەپتى تەڭەستىردى. بىراق «استانا» ول تەڭدىكتى ءۇش-اق مينۋت ۇستاپ تۇرا الدى. «ورداباسىنىڭ» وعلانى ابدۋللاي دياكاتەنىڭ نار تاۋەكەلمەن تەپكەن دوبى ەكىنشى گولعا اينالدى.