«رۋحاني جاڭعىرۋ» باعدارلاماسى اياسىندا قازاقستانداعى جوعارى وقۋ ورىندارىندا « ۇلى دالا جاستارى» جوباسى ىسكە قوسىلدى.
بۇل تۋرالى «رۋحاني جاڭعىرۋ» باعدارلاماسى باسقارۋ ءوفيسىنىڭ مەنەدجەرى بولات اتىباي قازۇتۋ ۋنيۆەرسيتەتىندە وتكەن دوڭگەلەك ۇستەل ماجىلىسىندە مالىمدەپ ارنايى تانىستىردى.
ونىڭ ايتۋىنشا «تاربيە جانە ءبىلىم باعدارلاماسى» ءۇش باعىتتان تۇرادى. سول ءۇش باعىتتىڭ بىرەۋى - سانالى ازامات. «سانالى ازامات» باعىتىنىڭ شەڭبەرىندە « ۇلى دالا جاستارى» جوباسى ازىرلەندى. وسى جوبادان باسقا 21 جوبا بەكىتىلىپ بارلىق وڭىرلەرگە جولداندى. جوبانىڭ ماقساتى - ەلىمىز العا قويعان مىندەتتەردى جاستاردىڭ بويىنا ءسىڭىرۋ.
«رۋحاني جاڭعىرۋ» ءوفيسىنىڭ الماتى قالاسى بويىنشا باس مەندجەرى لاۋرا ىرگەباەۆا « ۇلى دالا جاستارى» جوباسى يدەياسىن ءبىلىم جانە عىلىم مينيسترلىگى ۇسىنىپ وتىرعانىن ايتتى.
«نەگىزى باستاماشى - قر ءبىلىم جانە عىلىم مينيسترلىگى. جوبا باستالدى. بۇنىڭ جاستاردىڭ بەلسەندىلىگىن ارتتىرۋعا, ياعني, عىلىم, بيزنەسپەن اينالىسۋىنا جاعداي جاساۋ. وقۋ ورنىن بىتىرگەن جاستاردىڭ جۇمىسپەن قامتىلۋ دەڭگەيى قانشالىقتى؟ وسى ماسەلەنىڭ بارلىعى قامتىلاتىن بولادى», - دەدى ول.
جيىندا جوو ۇستازدارىنا جوبا بويىنشا ءوز وقۋ ورىندارىنا ىڭعايلى بولاتىن ۇسىنىس جاساپ, جۇمىس باعدارلاماسىن ازىرلەۋ تاپسىرىلدى.