تۇركىستانعا كوگىلدىر وتىن كەلگەنىمەن ءۇي-ۇيگە قوسۋدا قيىنشىلىقتار تۋىنداپ وتىر.
بار گاپ «قازترانسگاز» مەكەمەسىنىڭ وزىندە سياقتى. تۇركىستاننان سايلانعان وبلىستىق ءماسليحاتتىڭ دەپۋتاتى راقىم تاڭىربەرگەنوۆ:
«سپيچ, ترۋبا, پەش – جۇرت ال دەگەن نارسەسىنىڭ ءبارىن الىپ قويدى. ەندى قوسۋعا كەلگەندە «قازترانسگاز» ماماندارى جارامسىز دەپ جاتىر دەيدى. حالىق شىعىندالۋدا. ەگەر گازدى قوساتىن بولسا, قانداي قۇرىلعى, ەسەپتەگىش قۇرال قاجەت ەكەنىن الدىن الا ايتپاي ما؟ وسىعان ەنەرگەتيكا ماماندارى نە ايتادى؟» دەيدى.
ىرگەگە كەلگەن گازدى قوسۋدا وسىنداي قيىندىقتار تۋىنداپ جاتىر. قوسىمشا شىعىندانۋعا حالىق ىقىلاسسىز ەمەس. ەندىگى اڭگىمە سالا باسشىلارىندا بولىپ تۇر.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.