استانادا جەتىمدەر سانى ازايدى

ەگەر 2013 جىلى ەلوردالىق بالالار ۇيىندە 422 بالا بولسا, 2017 جىلى ولاردىڭ سانى 272 قۇرادى, دەدى قالالىق ءبىلىم باسقارماسىنىڭ جەتەكشىسى انۋار جانعوزين ءماسليحاتتىڭ الەۋمەتتىك-مەدەني ماسەلەلەرى بويىنشا تۇراقتى كوميسسيانىڭ وتىرىسىندا.

«رەسپۋبليكادا جەتىم بالالاردى تاربيەلەۋگە العان قازاقستاندىق وتباسىلاردى ماتەريالدىق ىنتالاندىرۋ ەنگىزىلدى. 2004 جىلدان بەرى پاتروناتتىق تارنبيە بەرۋ فورماسى دامي باستادى. پاتروناتتىق تاربيەشىلەرگە ەڭبەك ءوتىلى مەن كۆاليفيكاتسيالىق كاتەگورياسىنا بايلانىستى اي سايىن ەڭبەك اقى تولەنەدى. سونىمەن قاتار بالانى كۇتىپ-اسىراۋعا 9-10 اەك مولشەرىندە جاردەماقى بەرىلەدى», - دەدى ا.جانعوزين.

بۇعان قوسا 2011 جىلدان باستاپ بالانىڭ قامقورشىلارى دا اي سايىن 10 اەك (22690 تەڭگە) جاردەماقى الادى. «ال 2015 جىلدىڭ قاڭتار ايىنان بەرى بالا اسىراپ العان قازاقستاندىق ازاماتتارعا 75 اەك مولشەرىندە (170 175 تەڭگە) ءبىر جولعى تولەماقى تولەنە باستادى. جالپى, بۇل  2013 جىلى ەلوردالىق بالالار ۇيىندە 422 بالا بولسا, 2017 جىلى بۇل كورسەتكىش 272 قۇراپ وتىر. ياعني, بالالار ۇيىندەگى تاربيەلەنۋشىلەردىڭ 36% پايىزعا ازايعانى بايقالادى»,  - دەدى استانا قالالىق ءبىلىم باسقارماسىنىڭ جەتەكشىسى.