بۇگىن وڭتۇستىك قازاقستان وبلىسىنىڭ اكىمى ج.تۇيمەباەۆ ارنايى جۇمىس ساپارىمەن سارىاعاش اۋدانىنا باردى.ء وڭىر باسشىسى الدىمەن جەمىستى اۋىلدىق وكرۋگىندەگى «ىنتىماق بەس-ارىس» جشس-دە بولىپ, شارۋاشىلىقتىڭ قارقىندى باۋىن ارالاپ كوردى.
2009 جىلى قۇرىلعان سەرىكتەستىك 2015 جىلدان باستاپ قارقىندى باۋ ەگۋمەن اينالىسىپ كەلەدى. بۇگىندە قوجالىق يەلىگىندەگى 36 گەكتار جەرگە تامشىلاتىپ سۋارۋ ادىسىمەن الماي باۋ ەگىلگەن. مۇندا المانىڭ جەرسي ماك, جانجير گولد, ۆيليامس پرايد, گالا, گولدەن دەليشەس, رەد دەليشەس, سكارلەت سپۋر, جەرومين گرەنني سميت, فۋندجي, پانك لەدي سالتانات تۇرلەرى جايقالىپ ءوسىپ تۇر. جىلىنا 80 ملن تەڭگەنىڭ ءونىمىن وندىرەتىن سەرىكتەستىكتە 30 ادام تۇراقتى جۇمىسپەن قامتىلعان.
وبلىس اكىمى اۋدان باسشىسى مەن قوجالىق توراعاسىنا مەملەكەت تاراپىنان كورسەتىلىپ جاتقان بارلىق جەڭىلدىكتەردى ءتيىمدى پايدالانۋدى تاپسىردى.
«سارىاعاش اۋدانىنىڭ تابيعي-كليماتتىق جاعدايى جەمىستەر مەن كوكونىس كوشەتتەرىن وسىرۋگە وتە قولايلى. سوندىقتان اتالعان سەرىكتەستىك باسشىلىعىنا مەملەكەت تاراپىنان بەرىلەتىن سۋبسيديا مەن ءتۇرلى نەسيەلىك جەڭىلدىكتەردى ءتيىمدى پايدالانۋ قاجەت. ول ءۇشىن ءتيىستى قۇجاتتاردى رەتتەپ, دەر كەزىندە ارەكەت ەتكەن ءجون. الداعى جىلدارى كليماتى مەن توپىراعى سايكەس كەلەتىن وزگە اۋداندارعا وسى تالىمباقتا وسىرىلگەن كوشەتتەردى جەرسىندىرۋ ءىسىن جانداندىرۋدى تاپسىرامىن»,- دەدى جانسەيىت قانسەيت ۇلى.
مۇنان سوڭ ءوڭىر باسشىسى سارىاعاش قالاسىنداعى اۋداندىق بيۋدجەت ەسەبىنەن 35 ملن تەڭگەگە سالىنعان «انا مەن بالا» اللەياسىن ارالاپ كوردى. اللەيانىڭ نەگىزگى ماقساتى – وتباسى قۇندىلىقتارىن دارىپتەپ, اناعا دەگەن قۇرمەتتى ناسيحاتتاۋ, ۇلتتىق سالت-داستۇرلەرىمىزدى دامىتۋ بولىپ تابىلادى. اللەيانىڭ قۇرىلىسىن «سارىاعاش-تازالىق» مەملەكەتتىك كوممۋنالدىق كاسىپورىنى جۇرگىزىپتى. جاڭا نىساندا وبلىس اكىمى سارىاعاشتىق تۇرعىندارمەن كەزدەسىپ, ءوزارا پىكىر الماستى. جەرگىلىكتى ازاماتتار اۋداندات اتقارىلىپ جاتقان جۇمىستار تۋرالى اڭگىمەلەپ, ويلارىن ورتاعا سالدى.