ەلىمىزدە جۇك تاسىمالىنا وتاندىق ۆاگوندار تارتىلادى

«مينيسترلىك تەمىر جول كولىگىمەن كومىر جانە استىق, سونداي-اق وزگە دە الەۋمەتتىك ماڭىزى بار جۇكتەر تاسىمالىنا ايرىقشا نازار اۋدارۋدا. بۇگىندە اشىق ۆاگوندار پاركى 50 مىڭعا جۋىقتادى. بيىلعى مامىردان باستاپ جىلۋ بەرۋ ماۋسىمىنا دايىندىق اياسىندا 31 ملن توننادان استام كومىر تاسىمالداندى, بۇل ءوز كەزەگىندە جوسپارلى كولەمنىڭ 98 پايى­زى», دەيدى كوميتەت وكىلى. ونىڭ سوزىنە قاراعاندا, اس­تىق تاسىمالداۋ شارالارى قىزۋ ءجۇرىپ جاتقان كەزەڭدە جىلجىمالى قۇرامنىڭ جە­تىسپەۋى بايقالۋى مۇمكىن.

بۇگىندە استىقتى تاسى­مالداۋعا شامامەن 10 مىڭ ۆاگون جۇمىلدىرىلعان. ولار ايىنا 1 ملن توننا استىق تاسىمالداۋدى قام­تاماسىز ەتەدى. قازىرگى كەزدە اۋىل شارۋاشىلىعى مينيسترلىگىمەن بىرلەسە استىق تاسىمالدايتىن ۆاگونداردىڭ سانىن ارتتىرۋ ما­سەلەسى پىسىقتالۋدا. وسى ورايدا جىل سوڭىنا دەيىن استىق تاسىمالى كولەمىن ارت­تىرۋ كوزدەلگەن. «بۇل تۇر­عىدا قوسىمشا 1 مىڭ ۆاگوندى رەسەيدەن جەتكىزبەك ويدامىز. 2017 جىلدىڭ 9 ايىندا شامامەن 5,5 ملن توننا استىق تاسىمالدان­دى, ونىڭ ىشىندە 3,6 ملن توننا ەكسپورتقا شىعا­رىلدى. قازان ايىنا قاراس­تىرىلعان استىق تيەۋ كولە­مى 850 مىڭ توننانى قۇراپ, سونىڭ 600 مىڭ تونناسى ەكسپورتقا تيەسىلى. قاراشا-جەلتوقساندا تاسىمالداناتىن استىق 1 ملن تونناعا دەيىن جەتەدى, ونىڭ ىشىندە 650 مىڭ تونناسى ەكسپورتقا باعىتتالادى», دەدى د.پوتلوۆ.

كوميتەت توراعاسىنىڭ ورىنباسارى جۇك تاسىمالىنا وتاندىق جاڭا ۆاگوندار تارتىلىپ جاتقانىن اڭگىمەلەدى. بىلتىرعى قازان ايىنان ۆاگونداردى ساتىپ الۋ ستاۆكاسىن ءىشىنارا سۋبسيديالاۋ ەسەبىنەن كومىر مەن كەن تاسىمالداۋ ءۇشىن 1300 اشىق ۆاگون جانە تران­زيتتىك كونتەينەرلىك تاسىمالدار ءۇشىن 3 103 ۆاگون شىعارۋ جونىندە شارتتار بەكىتىلگەن ەكەن. بۇل ماقساتقا شامامەن 70 ملرد تەڭگە ينۆەستيتسيا تارتىلعان. «ساتىپ الىناتىن ۆاگوندار وتاندىق كا­سىپ­ورىنداردا شىعا­رى­لادى. جالپى, بۇل با­عىتتاعى شارالار تەمىر جول ماشينا جاساۋ سالاسىنداعى 7 مىڭ جۇمىس ورنى بار 39 وتاندىق كوم­پانيانى جۇمىل­دىرۋعا جول اشتى», دەدى ۆەدومستۆو وكىلى.

باسقوسۋدا بەلگىلى بول­عانداي, بيىل «تۇلپار-تال­گو» ۆاگوندارىنىڭ 62 بىر­لىگىن ساتىپ الۋ جانە كە­لەسى جىلى استانا – لەنينوگور 375/376 پويىزى قۇرامىن جاڭارتۋ جوسپارلانۋدا. جالپى العاندا «جو­لاۋ­شىلار تاسىمالى» اق جىل سايىن «تۇلپار-تال­گو» ۆاگوندارىنىڭ شامامەن 50 بىرلىگىن ساتىپ الماق. جەكە تاسىمالداۋشىلار مي­نيس­ترلىك الدىنداعى شارت­تىق مىن­دەتتەمەلەرى اياسىندا بي­ىل 16 ملرد تەڭگە ينۆەستيتسيا تارتسا, جولاۋشىلار تا­سىمالداۋعا ارنالعان 52 ۆاگون ساتىپ العان. ول ۆاگوندار 43/44 قوس­تاناي – الماتى, 327/328 قوس­تاناي – قاراعاندى, 621/622 قوس­تاناي – ارقالىق جانە 307/308 جەزقازعان – استانا پويىز­دارىنىڭ ەسكى ۆاگوندارىن الماستىرادى.

اسحات رايقۇل, «ەگەمەن قازاقستان»