بۇل بىرىنشىدەن جىلجىمايتىن م ۇلىكتىڭ باعاسىنا, ال ەكىنشىدەن كورسەتىلەتىن قىزمەتتەردىڭ ساپاسىنا اسەر ەتەتىن بولادى, دەپ حابارلايدى ەلوردا اكىمدىگىنىڭ مەديا ورتالىعى.
عيماراتتار جايلى اقپاراتتىڭ (كورسەتىلەتىن قىزمەتتەردىڭ ساپاسى, ينفراقۇرىلىم, ليفتىلەردىڭ جۇمىسى جانە ت.ب.) قوعام ءۇشىن قولجەتىمدى بولاتىندىعى تۋرالى استانا قالاسى اكىمىنىڭ ورىنباسارى ماليكا بەكتۇروۆا جىلجىمايتىن م ۇلىككە قاتىستى سۇراقتار تالقىلانعان ورتالىق-ازيا ەلدەرىنىڭ فورۋمىندا (CRE) مالىمدەدى.
ء«بىز وسى مالىمەتتەرگە سۇيەنە وتىرىپ, ءار تۇرعىن-ءۇي كەشەنىنىڭ ماڭىزدىلىعىن تۇسىنەمىز. دالىرەك ايتقاندا, ءبىز ءار ۇيدە جارىقتىڭ, سۋدىڭ قاشان جانە قانشا رەت سوندىرىلگەنىن, ءليفتتىڭ قاي جەردە جانە قاشان جۇمىس ىستەمەي قالعاندىعىن, قانشا شاعىم تۇسكەنىن ءبىلىپ وتىرمىز. سونداي-اق, بىرىڭعاي «109 قىزمەتى» جۇمىس ىستەيتىنىن ەستەن شىعارماۋ كەرەك. تەك وسى جىلدىڭ 9 ايىنداعى قورىتىندىلارعا سايكەس, بىزگە تۇرعىن-ءۇي كەشەندەرىن, كوممەرتسيالىق قوردى اباتتاندىرۋ بويىنشا 400 مىڭنان استام ساۋال كەلىپ ءتۇستى. وسى مالىمەتتەردى ءبىز ءار نىساننىڭ باسەكەگە قابىلەتتىلىگى مەن ساپاسىن ناقتى تۇردە باعالاۋ ءۇشىن نارىققا ۇسىنۋعا دايىنبىز. ياعني, ءبىز تۇرعىن-ءۇي كەشەنىنىڭ نەمەسە بيزنەس ورتالىقتىڭ پرەميۋم نەمەسە بيزنەس ساناتى دەڭگەيىنە ساي ەكەندىگىن انىقتايتىن بولامىز. بىزگە ءالى دە مالىمەتتەر ءتۇسىپ جاتىر», دەدى م.بەكتۇروۆا.
بۇل شارالار قالالىق بيلىك وكىلدەرىنىڭ پىكىرىنشە, ازاماتتارعا ەڭ الدىمەن جىلجىمايتىن م ۇلىكپەن بايلانىستى جاعدايدى باعالاۋعا مۇمكىندىك بەرەدى. وڭ ناتيجە رەتىندە جىلجىمايتىن م ۇلىكتىڭ باعاسىنا دا اسەر ەتە الادى. ال بۇل كورسەتىلەتىن قىزمەتتەر ساپاسىنىڭ بىرتىندەپ جاقسارۋىنا اكەلۋى ءتيىس.
ء «بىز وسى جۇمىستىڭ قانداي ناتيجەلەردى بەرەتىنىن شامالاپ, كەيبىر وزدەرىن «پرەميۋم» نەمەسە بيزنەس ساناتىنا جاتقىزعان كەڭسە نەمەسە عيماراتتار قايتا باعالانۋى مۇمكىن ەكەندىگىن تۇسىنەمىز. تيىسىنشە, بۇل باعا تۇرعىسىندا قانداي دا ءبىر تۇزەتۋلەرگە اكەپ سوقتىرۋى مۇمكىن. الايدا, ءبىزدىڭ تاراپتان نارىققا وسىنداي اقپارات اسا قاجەت», دەپ ءتۇيدى م.بەكتۇروۆا.
ەلوردا عيماراتتارى رەيتينگىسىنىڭ ۇلگىسى تاياۋ ارادا OpenDataAstana.kz پورتالىندا جاريالاناتىن بولادى.