اقش پرەزيدەنتى دونالد ترامپ ۇلتتىق فۋتبول ليگاسىنىڭ (NFL) ويىنشىلارىن كەزەكتى رەت مەملەكەتتىڭ ءانۇرانىنا قۇرمەتپەن قاراۋعا شاقىردى.
وسىعان دەيىن NFL ويىنشىلارى ۇلتتىق ءانۇران ورىندالعاندا ورىندارىنان تۇرۋدان باس تارتىپ, تىزەرلەپ وتىرعان بولاتىن. ولار وسى ارقىلى ناسىلشىلدىككە قارسى ەكەندەرىن جەتكىزدى.
ال ترامپ ءوز كەزەگىندە NFL باسشىلىعىنا مۇنداي ارەكەتكە بارعان ويىنشىلارعا ديسكۆاليفيكاتسيا بەرۋدى تالاپ ەتتى. سونىمەن قاتار, ول ءوزىنىڭ ۆيتسە-پرەزيدەنتى مايك پەنسكە ءوزى بارعان ويىندا مۇنداي جاعداي قايتالانار بولسا, ستاديوننان كەتۋدى تالاپ ەتتى.
ال NFL باسشىسى رودجەر گۋدەلل قانداي جاعداي بولماسىن ءوز ويىنشىلارىن ماجبۇرلەمەيتىنىن مالىمدەدى. ول ويىنشىلارعا مەملەكەتتىك انۇرانعا قۇرمەتپەن قاراۋعا شاقىراتىنىن, بىراق جازالامايتىنىن العا تارتتى. رودجەر گۋدەلل وسى ارقىلى ساياساتقا ارالاسقىسى كەلمەيتىنىن, بار ويىن تەك فۋتبولعا ارنايتىنىن جەتكىزدى.
«NFL ۇلتتىق ءانۇرانىمىز ورىندالعاندا فۋتبولشىلاردى ورىندارىنان تۇرۋعا ماجبۇرلەمەيتىنىن حابارلادى. بۇل ۇلى مەملەكەتىمىزدى سىيلامايتىندىعىنىڭ بەلگىسى», – دەپ جازدى ترامپ Twitter پاراقشاسىندا.
ايان ءابدۋالي, «ەگەمەن قازاقستان»